
२१ वैशाख, कपिलवस्तु । कोरोना संक्रमण बढेपछि कपिलवस्तुमा निषेधाज्ञा लागु गरिएको छ । जिल्ला प्रशासन कार्यालय कपिलवस्तुले मंगलबारदेखि वैशाख ३१ गतेसम्म निषेधाज्ञा लागु गरेको हो ।
जिल्ला कोभिड संकट व्यवस्थापन केन्द्रको बैठकले मंगलबार बिहानदेखि लागु हुने गरी वैशाख ३१ गते राति १२ बजेसम्मको लागि निषेधाज्ञा लगाउने निर्णय गरेको प्रमुख जिल्ला अधिकारी चक्रपाणि पाण्डेले जानकारी दिए ।
निषेधाज्ञाको अवधिभर अत्यावश्यक सेवाका सवारी साधनबाहेक अरु सार्वजनिक तथा निजी सवारी साधनको आवतजावतमा पूर्ण रुपमा रोक लगाइएको छ ।
प्रतिक्रिया दिनुहोस