'
२२ वैशाख, पोखरा । गण्डकी प्रदेशका मुख्यमन्त्री पृथ्वीसुब्बा गुरुङलाई कोरोना देखिएको छ । जनस्वास्थ्य प्रयोगशालामा गरिएको पिसिआर परीक्षणमा बुधबार दिउँसोका रिपोर्ट पोजेटिभ आएको हो । यसअघि मंगलबार आरडिटी (-यापिड डाइनोस्टिक टेस्ट) गरिएकोमा रिपोर्ट पोजेटिभ आएपछि पिसिआर परीक्षण गरिएको थियो ।
पोखरास्थित सरुवा रोग अस्पतालका कार्यकारी निर्देशक डा. विकास गौचनका अनुसार मुख्यमन्त्री गुरुङलाई कोरोना देखिएको पुष्टि गरे । उनले भने, ‘माननीयज्यू हिजो (मंगलबार) अस्पताल भिजिटमा आउनुभएको थियो ।
हामीहरुसँग कुराकानीका क्रममा टाउको दुखेको भनेपछि आरडिटी गरिएकोमा पोजेटिभ देखिएको थियो । अब पीसीआर पनि गरौं न भनी स्वाब संकलन गरी ल्याब पठाइएकोमा रिपोर्ट पोजेटिभ आएको सूचना आएको छ ।’ डा. गौचनका अनुसार मुख्यमन्त्रीको स्वास्थ्य अवस्था सामान्य रहेको र उनी होम आइसोलेनमा बसेका छन् ।
मुख्यमन्त्री गुरुङका प्रेस संयोजक विक्रम न्यौपानेमा पनि कोरोना संक्रमण देखिएको छ । न्यौपानेमा संक्रमण देखिएपछि मुख्यमन्त्री गुरुङ कन्ट्याक्ट ट्रेसिङमा परेका थिए । न्यौपाने ३ दिनदेखि होम आइसोलेसनमा छन् । यसैबीच, मंगलबार भएको सर्वदलीय बैठकमा मुख्यमन्त्री गुरुङ सहभागी थिए । केही दिनअघि उनी काठमाडौंमा प्रधानमन्त्री ओलीलाई भेटेर फर्केका थिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कोरोना भाइसबाट ८१३ पत्रकार सङ्क्रमित
२०७८ जेष्ठ १४ गते शुक्रवार
सबै राष्ट्रमा खोपको न्यायोचित वितरण समुचित मूल्यमा हुनुपर्छः राष्ट्रपति भण्डारी
२०७७ माघ १४ गते बुधवार
किसानहरुलाई कृषि कर्जा प्रदान गर्न नबिल बैंकले गर्यो डीभी एक्सिलससँग सहकार्य
२०७८ साउन १७ गते आइतवार
मानुषी लघुवित्तको सेयर नेप्सेमा सूचीकृत, कतिमा होला सुरुवाती कारोबार ?
२०७८ असोज १० गते आइतवार