'
२४ वैशाख, काठमाडौं । महानगरीय ट्राफिक प्रहरी महाशाखाले यात्रुसँग बढी भाडा लिई ठगी गर्ने ३ जनालाई पक्राउ गरेको छ ।
उपत्यकामा जारी भएको निषेधाज्ञा पश्चात बैदेशीक रोजगारबाट आई घर फर्किने र अत्यावश्यक परि उपत्यका बाहिरका जिल्लाहरु जान चाहने यात्रुहरुसँग तोकेको भन्दा तीन गुणा बढी भाडा लिने काउण्टरका कर्मचारीलाई शुक्रबार गौशाला र कोटेश्वरबाट नियन्त्रणमा लिएको महाशाखा प्रमुख एसएसपी जनक भट्टराईले जानकारी दिए ।
कोटेश्वरबाट धनुषा मिथिलाका ४३ बर्षिय कृष्ण देवकोटा, झापा गौरदहका ४२ बर्षिय खड्ग बहादुर भण्डारी र गौशालाबाट दोलखा सिंगटी घर भई भक्तपुर बस्ने बर्ष ३४ को राम सुरेल पक्राउ गरेको हो । काठमाण्डौं देखि पुर्व झापा मोरङ्ग जाने यात्रुहरुसँग प्रतियात्रु ३ हजार देखी ४५ सयसम्म भाडा लिने ईन्द्रेणी हाईसको काउण्टर र प्रदेश३–०१–००६ख १४३१ नम्बरको भाडा बसका कर्मचारीलाई पक्राउ गरेको हो ।
पक्राउ परेका सुरेललाई बृत्त गौशाला र अन्य दुई जनालाई आवश्यक कारबाहीको लागी प्रहरी प्रभाग कोटेश्वरमा बुझाएको महाशाखाले जनाएको छ । यसअघि विहिवार पनि ट्राफिक प्रहरीले गोंगवु र कलंकीबाट ६ जनालाई पक्राउ गरेको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सर्वोच्च अदालतका थप एक कर्मचारीमा कोरोना संक्रमण
२०७७ भाद्र २ गते मङ्गलवार
ग्वार्कोमा स्कुटर दुर्घटना हुँदा चालकको मृत्यु
२०७८ कार्तिक २८ गते आइतवार
एमालेमा आफ्नो पुरानै अस्तित्वको खोजीमा माधव समूह
२०७७ फाल्गुन २७ गते बिहिवार
नेपाल प्रहरीका सात एसपीको सरूवा, चितवनमा अधिकारी
२०७७ माघ २७ गते मङ्गलवार