मुख्य समाचार

गुल्मीमा निषेधाज्ञाको अवज्ञा गरेर बस चलाउने चालक नियन्त्रणमा

gulmi bus

२५ वैशाख, गुल्मी । गुल्मी प्रहरीले निषेधाज्ञा अवज्ञा गरी यात्रुहरु ओसारपसार गर्ने बस चालकलाई नियन्त्रणमा लिएको छ ।

बुटवलबाट ३० जना यात्रुहरु राखेर आइरहेको लु १ख ७१८९ नम्बरको बसलाई जिल्लाको मुख्य नाका रिडीमा चेकजाँच गरी चालक नारायण पान्डेलाई नियन्त्रणमा लिइएको जिल्ला प्रहरी प्रमुख एसपी गोपाल चन्दभट्टराईले जानकारी दिए ।

त्यस्तै, निषेधाज्ञाको अवज्ञा गर्ने दर्जनौ सवारी साधनलाई प्रहरीले नियन्त्रणमा लिइसकेको छ । नियन्त्रणमा लिइएका चालकलाई कानुनअनुसार कामकारबाही चलाउने कि पहिलो पटकलाई चेतावनी सहितको कागज गराइ छाड्ने बिषयमा छलफल भैरहेको प्रमुख जिल्ला अधिकारी रुद्रादेवी शर्माले जानकारी दिइन ।

गुल्मीमा गएराति देखि जेठ ४ गते सम्मका लागि दोश्रो पटक निषेधाज्ञा जारी भएको छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस
प्रतिक्रिया दिनुहोस