'
२६ वैशाख, काठमाडौं । कांग्रेस सभापति शेरबहादर देउवालाई भेटे लगत्तै जनता समाजवादीका अध्यक्ष महन्थ ठाकुर र वरिष्ठ नेता राजेन्द्र महतो प्रधानमन्त्री निबास बालुवाटार पुगेका छन् । अहिले बालुवाटारमा प्रधानमन्त्री ओलीसहितका एमाले नेता र जसपा अध्यक्ष ठाकुर र वरिष्ठ नेता राजेन्द्र महतोबीच भेटवार्ता भइरहेको छ ।
ठाकुरले प्रधानमन्त्री केपी शर्मा ओलीलाई विश्वासको मत दिने–नदिनेबारे कुनै पनि औपचारिक निर्णय नगरेको जानकारी काँग्रेस सभापति देउवालाई दिएका छन् । पार्टीका अर्का अध्यक्ष उपेन्द्र यादवले प्रम ओलीविरुद्ध काँग्रेस र माओवादीसँग गठबन्धन बनाइरहेको बेला ठाकुर बूढानीलकण्ठ पुगेर काँग्रेस सभापतिलाई सो सन्देश दिएका हुन् ।
स्रोतका अनुसार अर्का नेता महतोसँगै बूढानीलकण्ठ पुगेका ठाकुरले देउवासँग विश्वासको मतबारे काँग्रेसको आधिकारिक धारणाबारे प्रश्न गरेका थिए । जवाफमा देउवाले आफ्नो पार्टीले प्रधानमन्त्री ओलीको विपक्षमा मत हाल्ने यसअघि नै निर्णय गरिसकेको बताएका थिए ।
ठाकुरले भने विश्वासको मतबारे आफ्नो पार्टीले कुनै निर्णय गरिनसकेको र सम्भवतः आजसम्ममा यसबारे औपचारिक निर्णय गर्ने देउवालाई जानकारी दिएका थिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
काठमाडौं उपत्यकामा थप ३८ जनामा कोरोनाको संक्रमण पुष्टि
२०७७ साउन १६ गते शुक्रवार
गुल्मीको मदाने गाउँपालिका कोरोना संक्रमणमुक्त
२०७७ मङ्सिर १४ गते आइतवार
६० किलो सुन प्रकरणमा पक्राउ पर्नेको सङ्ख्या २७ पुग्यो
२०८० भाद्र २२ गते शुक्रवार
कोरोना संक्रमण दर घटेकै हो त ?
२०७८ असार ३ गते बिहिवार