मुख्य समाचार

दिल्लीमा लकडाउन एक हप्ता थप

delhi lockdown

२६ वैशाख, काठमाडौं । दिल्लीमा कोरोनाको गती रोकिने छाँटकाँट देखिएकाे छैन । यहाँ लकडाउन थप एक हप्ता बढाइएको छ । मुख्यमन्त्री अरविन्द केजरीवालले आइतबार पत्रकार सम्मेलनमा यसबारे जानकारी दिएका हुन् । उनले दिल्लीमा १० मे मा समाप्त हुने भनिएको लकडाउन १७ मे बिहानसम्म थपिएको जानकारी दिए । केजरीवालले यसपटक लकडाउन थप कडा हुने बताएका छन् । दिल्लीमा सोमबारदेखि रेल सेवा पनि बन्द गरिनेछ ।

केजरीवालले दिल्लीमा लकडाउनको राम्रो असर देख्न पाइएको बताएका छन् । २६ अप्रिलपछि नयाँ संक्रमितमा क्रमशः कम हुन थालेको छ र पछिल्लो तीन दिनमा संक्रमणको दर ३५ प्रतिशतबाट घटेर २३ प्रतिशतमा झरेको छ । उनले लकडाउनको प्रयोग स्वास्थ्य संरचना र संसाधनलाई बलियो बनाउनका लागि गरिने जानकारी दिए ।

केजरीवालले सबैभन्दा ठूलो समस्या दिल्लीमा अक्सिजनको देखिएको छ । साधारण दिनमा अस्पतालमा अक्सिजनको जति आवश्यकता पर्छ, त्योभन्दा थुप्रै गुणा बढी अक्सिजनको आवश्यकता पर्न थालेको छ । किनभने अस्पताल आइरहेका सबै बिरामीलाई अक्सिजनको आवश्यकता परिरहेको उनले बताए । उनका अनुसार पछिल्लो थुप्रै दिनदेखि हाइकोर्ट र सर्वोच्च अदालतको आदेशबाट र केन्द्र सरकारको सहयोगले दिल्लीमा अब अक्सिजनको स्थितिमा निकै सुधार आएको छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *