'
२६ वैशाख, पर्वत । एसियाकै नमुना झोलुङ्गे पुल बनाएर बन्जी र स्वीङ सञ्चालन गर्दै आएको द क्लिफ प्रालिले आफ्नै रिसोर्ट परिसर बाग्लुङको बलेवामा नेपालकै पहिलो स्काइ चियरको निर्माण गरेको छ ।
काली गण्डकी खोँच माथिको स्काइ चियरमा बसेर कुश्मा बजार, धौलागिरि हिमाल, बन्जी र स्विङ गरेको लगायतका मनोरम दृश्य हेर्न पाइनेछ । पर्यटकले स्काइ चियरमा बसेर कफी पिउन, खाजा खान लगायत फोटो भिडियो खिचाउन सक्नेछन् ।
विद्यमान निषेधाज्ञा पश्चात् सर्वसाधारणका लागि स्काइ चियर खुला गरिने बताइएको छ । एक पटकमा दुई जना बस्न मिल्ने स्काइ चियर नदीबाट २ सय ५० मिटर अग्लो भएको कम्पनीका अध्यक्ष राजु कार्कीले बताए ।
रिपोर्ट परिसरमै हाइ रोप स्टेसनको निर्माण धमाधम भइरहेको छ । स्टिल केवलको सहायतामा हार्नेस लगाएर भिरमा हनि हन्टिङ गर्ने शैलीमा हाइ रोप स्टेसन चढिने कार्कीले बताए । स्टेसन नदीबाट २ सय ५० मिटर अग्लो हुने बताइएको छ ।
साथै रिसोर्टमै भगवान् पाइलाको निर्माण भइरहेको छ । जमिनबाट ५ मिटर अग्लो हुने पाइलामा गएर पर्यटकले आसपासका दृश्यावलोकन गर्न सक्छन् । पाइला पनि नदीबाट २ सय ५० मिटरको उचाइमा रहने बताइएको छ । पाइलाको तल सेफ्टीनेट राखेर सुरक्षा सावधानी अपनाइने बताइएको छ ।
यस्ता खालका गतिविधिले पर्यटकलाई उचाइको डरसँग सामना गर्न सगाउने बताउँदै कार्की थप्छन् ‘भोलिका दिनमा पनि अन्य साहसिक गतिविधि थप्दै लैजाने योजना रहेको छ ।’
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
तीन नयाँ मोडेलका गाडीसहित ‘ग्रेट वाल मोटर्स’ नेपाली बजारमा
२०७८ साउन ५ गते मङ्गलवार
अल्का अस्पतालकी कर्मचारीको हत्या, लेलेको जंगलमा भेटियो शव
२०७७ भाद्र २० गते शनिवार
सन्दीपले विकेट लिए पनि जमैका पराजित
२०७७ भाद्र २१ गते आइतवार
काठमाडौंमा एक सातादेखि फोहोर व्यवस्थापन ठप्प, सिसडोल ल्यान्डफिल साइट भरियो
२०७८ साउन ५ गते मङ्गलवार