'
२७ वैशाख, काठमाडौं । कोरोना माहामारीका कारण अक्सिजन सिलिन्डरको अभाव भएपछि आज नेपाल वायुसेवा निगमको विमान अक्सिजन सिलिन्डर लिन चीनको बेइजिङ जाँदैछ ।
तत्कालका लागि करिब ६ सय थान अक्सिजन सिलिन्डर, १० थान भेन्टिलेटर र केही अक्सिजन कन्स्ट्रक्सन समेत ल्याउनका लागि निगमको विमान बेइजिङ जान लागेको हो । निगमको ए ३३० वाइडबडी विमान आज राति ११ः३० बजे चीनको बेइजिङ जान लागेको हो । त्यहाँको स्थानीय समय अनुसार विमान बिहान ७ः३० बजे बेइजिङ पुग्नेछ ।
बेइजिङबाट स्थानीय समयअनुसार भोलि बिहान १०ः३० बजे विमान काठमाडौंतर्फ उड्नेछ भने अपरान्ह २ः३५ मा काठमाडौंमा अवतरण गर्नेछ । नेपालमा कोरोना संक्रमितको संख्या बढी अक्सिजन सिलिन्डरकै अभाव भएपछि सरकारले चीनबाट अक्सिजन सिलिन्डर ल्याउन लागेको हो ।
तत्कालका लागि ४ सयदेखि ६ सय थान सिलिन्डर ल्याउन लागेको भएपनि आवश्यकता अनुसार २० हजार थानसम्म अक्सिजन सिलिन्डर ल्याउने सरकारको तयारी रहेको छ । चिनबाट खाली सिलिन्डर ल्याएर अक्सिजन भने नेपालमै भरिनेछ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
जेम्स बन्डको भूमिका निभाएका अभिनेताको निधन
२०७७ कार्तिक १६ गते आइतवार
भटमासको तेलको निर्यात २९० प्रतिशतले बढ्यो
२०७७ माघ १९ गते सोमवार
चीनद्वारा सिन्धुपाल्चोकलाई स्वास्थ्य सामग्री सहयोग
२०७७ साउन २८ गते बुधवार
मामाघरका बालबालिकासंग मनाए अध्यक्ष घिमिरेले आफ्नो बर्षगाठ
२०८० भाद्र २७ गते बुधवार