'
२७ वैशाख, काठमाडौं । अक्सिजन अभाव भोगिरहेको भारतमा खोपसमेत अभाव हुने सम्भावना बढेको छ ।
नयाँदिल्लीमा एक दिनका लागि मात्र पुग्ने कोभ्याक्सिन र तीन/चार दिनका लागि पुग्ने कोभिसिल्ड खोप बाँकी रहेको भन्दै दिल्लीका स्वास्थ्यमन्त्री सत्येन्द्र जैनले शीघ्र थप खोप उपलब्ध गराउन केन्द्र सरकारलाई आग्रह गरेका भारतीय सञ्चारमाध्यमले जनाएका छन् ।
“हामीसँग कोभ्याक्सिन खोप एक दिनका लागि पुग्ने र कोभिसिल्ड खोप तीन–चार दिनका लागि पुग्नेजति मात्र भन्डारण छ । हामीलाई छिटोभन्दा छिटो खोप आवश्यक छ,” स्वास्थ्यमन्त्री जैनले भने । नोयडा, गाजियाबाद, गुरगावलगायत क्षेत्रबाट समेत खोप लगाउन मानिस दिल्ली आएकाले पनि खोप नपुगेको बताइएको छ ।
यसअघि, आइतबार दिल्लीका मुख्यमन्त्री अरबिन्द केजरीवालले पनि खोप अभाव भएको बताएका थिए । उनले आगामी तीन महिनाभित्र दिल्लीका सबै नागरिकलाई खोप लगाउनका लागि कम्तीमा तीन करोड डोज खोप आवश्यक पर्ने उल्लेख गरेका थिए । दैनिक तीन लाख डोज खोप आवश्यक पर्नेमा अहिले मुस्किलले एक लाख डोज मात्र पाएको केजरीवालको भनाइ थियो ।
संक्रमणको जोखिम कम नभइसकेको भन्दै केजरीवालले दिल्लीमा मे १७ सम्म लकडाउनको समयावधि बढाउने निर्णय गरिसकेका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
निर्वाचनका लागि अर्थ मन्त्रालयबाट ७ अर्ब ७२ करोडको खर्च निकासा
२०७८ असार १८ गते शुक्रवार
असुरक्षित रुपमा घरमै सुत्केरी हुँदा २४ वर्षीया महिलाको मृत्यु
२०७८ असार १२ गते शनिवार
अमेरिकामा ज्यान गुमाएको परिवारलाई दश लाख सहयोग
२०७७ असार २८ गते आइतवार
बैतडीमा अनौठो शिशु जन्मिए, छैनन् मुख्य अंगहरु
२०७७ मङ्सिर २४ गते बुधवार