'
२७ वैशाख, काठमाडौं । अब कोभिड–१९ का संक्रमितको उपचारका लागि आवश्यक पर्ने अक्सिजनको व्यवस्था कोभिड–१९ संकट व्यवस्थापन केन्द्र (सीसीएमसी)ले गर्ने भएको छ ।
स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीले आज सूचना जारी गर्दै देशभरिका अस्पतालमा अक्सिजनको आवश्यकताको आधारमा सीसीएमसीले उपलब्ध गराउने जानकारी दिए । यसअघि, संक्रमितका लागि आवश्यक पर्ने अक्सिजनको व्यवस्थापन अस्पताललाई मन्त्रालय गर्ने गरेको थियो ।
“मन्त्रालयको तथ्यांकमा आधारित रही देशभरका अस्पतालमा अक्सिजनको आवश्यकताका आधारमा वितरण व्यवस्थापन सीसीएमसीबाट गर्ने व्यवस्था मिलाउने निर्णय भएको छ,” सूचनामा भनिएको छ ।
आइतबार मात्र सीसीएमसीले संक्रमितको उपचारमा आवश्यक पर्ने अक्सिजन अस्पतालमा सहज उपलब्ध गराउनका लागि उद्योग, वाणिज्य तथा आपूर्ति मन्त्रालयका सहसचिव प्रेमकुमार श्रेष्ठको संयोजकत्वमा ६ सदस्यीय कार्यदल गठन गरेको थियो । अहिले २७ हजार ७६१ अक्सिजन सिलिन्डर रहेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
डोनाल्ड ट्रम्पविरुद्ध महाभियोगको प्रक्रिया सोमबारबाट सुरु हुने
२०७७ माघ १२ गते सोमवार
बागमतीमा १८ वर्षमाथिका सबैलाई कोभिड खोप लगाउने तयारी
२०७८ साउन १० गते आइतवार
प्रधानमन्त्री ओलीको कार्यक्रममा कालो कपडा प्रतिवन्ध
२०७७ पुष २५ गते शनिवार
म्याग्दीको रायखोरको पहिराले राहुघाट नदी थुनियो
२०७८ भाद्र १० गते बिहिवार