'
२९ वैशाख, सुर्खेत । कर्णालीका मुख्यमन्त्री महेन्द्रबहादुर शाहीले मन्त्रिपरिषद् पुनर्गठन गरेका छन् ।
शाहीले बुधबार आन्तरिक मामिला कानुन, यूवा तथा खेलकुदमन्त्रीमा विन्दमान विष्ट, जलस्रोत तथा ऊर्जा विकासमन्त्रीमा सीता नेपाली र आर्थिक मामिला तथा योजनामन्त्रीमा गोपाल शर्मालाई नियुक्त गरेका हुन् ।
नवनियुक्त मन्त्रीहरुको शपथ बिहीबार बिहान ११ बजेका लागि तय भएको मुख्यमन्त्रीको सचिवालयले जनाएको छ । यसअघि आजै शपथ गराइने तयारी भएको बताइएको थियो । तर, शपथ भोलि गराइने भएको छ ।
आन्तरिक मामिलाबाट नरेश भण्डारी र सामाजिक विकासमन्त्री विमला केसीलाई राजीनामा गराएर मन्त्री थपिएको हो । मन्त्रालय फुटाएर जलस्रोत तथा ऊर्जा मन्त्रालय बनाउने निर्णय भने बुधबार बसेको कर्णाली मन्त्रिपरिषद्को बैठकले गरेको हो ।
यस्तो छ पुनर्गठित मन्त्रिपरिषदको कार्यविभाजन:
१.महेन्द्रबहादुर शाही, मुख्यमन्त्री – मुख्यमन्त्री तथा मन्त्रिपरिषदको कार्यालय र सामाजिक विकास मन्त्रालय
२.नन्दसिंह बुढा, मन्त्री – उद्योग, पर्यटन, वन तथा वातावरण मन्त्रालय
३.अमरबहादुर थापा, मन्त्री – भौतिक पूर्वाधार तथा सहरी विकास मन्त्रालय
४.कुर्मराज शाही, मन्त्री – भूमि व्यवस्था, कृषि तथा सहकारी मन्त्रालय
५.विन्दमान विष्ट, मन्त्री – आन्तरिक मामिला, कानुन, यूवा तथा खेलकुद मन्त्रालय
६.सीता कुमारी नेपाली, मन्त्री – जलस्रोत तथा उर्जा विकास मन्त्रालय
७.गोपाल शर्मा, मन्त्री – आर्थिक मामिला तथा योजना मन्त्रालय
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
लमजुङमा करेण्ट लागेर एकको मृत्यु, गाउँ नै शाेकमा
२०७७ कार्तिक ६ गते बिहिवार
‘नेकपा दर्ता भएन भने के गर्ने, अहिले त्यसै भन्न सकिन्न’
२०७७ माघ १९ गते सोमवार
पुरुषमा पनि बढ्दै छ स्तन क्यान्सर
२०७७ माघ ७ गते बुधवार
दाङको अक्सिजन उद्योग पुनः सञ्चालन गरिने
२०७८ बैशाख २२ गते बुधवार