'
३० वैशाख, डाेटी । कोरोना भाइरसका कारण नेकपा (एमाले) सुदूरपश्चिम प्रदेश कमिटी तथा डोटीको शिखर नगरपालिका–३ का युवा नेता लालबहादुर कठायतको आज मृत्यु भएको छ ।
जिल्ला प्रहरी कार्यालयका प्रहरी नायब उपरीक्षक इन्द्रबहादुर मल्लका अनुसार केही दिन पहिले कोरोना सङ्क्रमण भई थप उपचारका लागि कैलाली लगिएका नेता कठायतको आज बिहान मृत्यु भएको हो ।
लामो राजनीतिक इतिहास बोकेका कठायत जिल्लामा निडर, साहसी तथा मिलनसार युवा नेताका रूपमा चिनिँदै आएका थिए । उनको मृत्युले सिङ्गो नेकपा एमाले डोटीसहित प्रदेश कमिटी स्तब्ध भएको एमालेका जिल्ला अध्यक्ष रामबहादुर ऐरले बताए ।
उनले भने, “कठायतजी पार्टीका लागि एक कर्मठ, इमान्दार र त्यागी नेता हुनुहुन्थ्यो, उहाँको निधनले पार्टीलाई अतुलनीय क्षति भएको छ ।” केही दिन पहिले कोरोना परीक्षण गर्दा उनको पिसिआर पोजेटिभ देखिएको थियो । उनीसहित कोरोना भाइरसको सङ्क्रमणबाट डोटीमा मृत्यु हुनेको सङ्ख्या पाँच पुगेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
चार भाषामा रिलिज हुँदै ‘लप्पन छप्पन २’
२०७७ पुष २८ गते मङ्गलवार
संविधान र लोकतन्त्रको रक्षा गर्नु अहिलेको चुनौती : नेता पुन
२०७७ माघ २३ गते शुक्रवार
भैसी गोठमा वडाध्यक्षको हत्या गर्ने चार जनालाई जन्मकैद
२०७७ पुष ९ गते बिहिवार
अरिङ्गाल पोल्न रुख चढ्दा लडेर एकजनाको मृत्यु, एकजना घाइते
२०७७ भाद्र ३१ गते बुधवार