'
३० वैशाख, काठमाडौं । सर्लाहीमा निषेधाज्ञा थप गरिएको छ । बिहीबार कोभिड संकट व्यवस्थापन केन्द्र सर्लाहीको बैठकले जिल्लामा लगाइएको निषेधाज्ञालाई जेष्ठ १० गतेसम्मका लागि बढाएको प्रमुख जिल्ला अधिकारी हेमराज तामाङले जानकारी दिए ।
कोरोना संक्रमणको दोस्रो लहर तीव्र रुपमा फैलिरहेको अवस्थामा शुक्रबार राति १२ बजेदेखि लागू हुने गरी आगामी जेठ १० गते राति १२ बजेसम्मका लागि निषेधाज्ञाको समयावधि थपिएको हो । यसअघि सर्लाहीमा वैशाख २५ गते राति १२ बजेदेखि वैशाख ३१ गतेसम्मको लागि निषेधाज्ञा लगाइएको थियो ।
निषेधाज्ञाको अवधिमा निजी तथा सार्वजनिक सवारीसाधन, हाट बजार, होटल तथा रेष्टुरेन्ट, ब्युटीपार्लर, सैलुन, शैक्षिक संस्था, ट्युसन सेन्टर लगायत बन्द रहनेछन् । खाद्यान्न, फलफूल, तरकारी, दूध डेरी, ग्यास पसल बिहान ७ बजेदेखि १० बजेसम्म मात्रै खोल्न पाइने छ । त्यस्तै, बैंक तथा वित्तीय संस्थाहरु नेपाल राष्ट्र बैङ्कको निर्देशनअनुसार स्वास्थ्य मापदण्डको पूर्ण रुपमा लागू गरेर सञ्चालन हुने उनले बताए।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
चाँदीका गहना र सुनसहित दुई पक्राउ
२०७७ माघ ७ गते बुधवार
कोरोना खोपको खरिद प्रक्रिया पारदर्शी र वितरण न्यायपूर्ण हुने : स्वास्थ्य मन्त्री त्रिपाठी
२०७७ पुष २७ गते सोमवार
ज्यान मार्ने उद्योगमा वडाध्यक्ष पक्राउ
२०७७ पुष २९ गते बुधवार
निषेधाज्ञा हुने भएपछि झन्डै पाँच लाखले छोडे उपत्यका
२०७८ बैशाख १५ गते बुधवार