'
३१ वैशाख, विराटनगर । जिल्ला प्रशासन कार्यालय मोरङले जिल्लामा थप १० दिन निषेधाज्ञा जारी राख्ने निर्णय गरेको छ । प्रमुख जिल्ला अधिकारी कोषहरि निरौलाका अनुसार जेठ ११ गतेसम्म निषेधाज्ञा थप गरिएको छ ।
कोरोना जोखिम कम नभएपछि निषेधाज्ञाको समय थप गरिएको हो । निषेधाज्ञाका बेला सरकारीबाहेक निजी क्षेत्रले सञ्चालन गरेको भौतिक निर्माणमा रोक लगाइएको छ । निर्माण सामग्रीसमेत बिहान १० बजेसम्म मात्र ढुवानी गर्न पाइने छ ।
यस अघि औद्योगिक मजदूरलाई घरबाट उद्योगसम्म जान छुट थियो । तर अब भने घरबाट उद्योग जान नदिने निर्णय भएको छ । उद्योगकै आवास गृहमा रहेका मजदूर प्रयोग गरेर उद्योग सञ्चालन गर्न पाइनेछ । सङ्क्रमण बढेकाले बाहिरी मजदूरको आवत–जावत रोक्ने निर्णय भएको उनले बताए ।
सरकारी कार्यालयमा अत्यावश्यक बाहेकका सेवाहरू बन्द गरिएको छ । बजार क्षेत्र पनि बन्द रहने छ । बैंकको सेवा व्यवस्थापनका लागि राष्ट्र बैंकसँग समन्वय गरिएको र अनलाइन कारोवार गर्नका लागि आग्रह गरिएको बताइएको छ । खाद्यान्न, सागसब्जी र दुग्धजन्य बस्तुको बिक्री बिहान १० बजेसम्म तोकिएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कोरियामा कोरोनाको तेस्रो महामारी : बिहीबारदेखि नयाँ नियम
२०७७ पुष ८ गते बुधवार
कोरोना प्रभाव : बाँकेमा ३७६ जनाको मृत्यु
२०७८ बैशाख ३० गते बिहिवार
जापानमा हिउँमा परेर १३ जनाको मृत्यु, सयौं घाइते
२०७७ पुष २८ गते मङ्गलवार
टेकु अस्पतालमा रेबिजविरुद्धको खोप लगाउनेको संख्या बढे
२०७७ असार ३१ गते बुधवार