'
४ जेठ, काठमाडौं । सर्वोच्च अदालतले प्रधानमन्त्री केपी ओलीको शपथ विरुद्धको रिटमा अन्तरिम आदेश दिन अस्वीकार गरेको छ । प्रधानन्यायाधीश चोलेन्द्र शमसेर जबराको एकल इजलासले अन्तरिम आदेश जारी गर्नु नपर्ने ठहर गरेको हो ।
गत शुक्रबार प्रधानमन्त्रीको शपथ ग्रहण गर्दा ओलीले ‘प्रतिज्ञा गर्छु कि’ भन्ने वाक्यांश छुटाउँदा राष्ट्रपतिले फेरि दोहोर्याएर भन्दा ओलीले ‘त्यो पर्दैन’ भनेका थिए । ‘त्यो पर्दैन’ भनेर शपथ लिनु संविधान विपरीत हुने भन्दै शपथ बदर गर्न सर्वोच्चमा सातवटा रिट परेका थिए । प्रधानमन्त्रीले शपथको प्रक्रिया पूरा नगरेको जिकिर ती रिटमा थिए ।
प्रधानमन्त्रीको कामकारबाही नगर्न/नगराउन र शपथ फेरि लिन रिटमा अन्तरिम आदेश मागिएको थियो । यसमा जबराको इजलासले अन्तरिम आदेश दिन अस्विकार गरेको हो । तर शपथसम्बन्धी रिटमा सर्वोच्च अदालतले राष्ट्रपति कार्यालय र प्रधानमन्त्रीसँग १५ दिनभित्र लिखित जवाफ माग गरेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
पाल्पाको रम्भादेवी मन्दिरमा मुर्ति सहित दानपात्र चोरी
२०७७ साउन ६ गते मङ्गलवार
साउदी अरबमा ‘देशद्रोह’ को आरोपमा ३ सैनिकलाई मृत्युदण्ड
२०७७ चैत्र २८ गते शनिवार
जानीराखौ आजको मौसम पूर्वानुमान ?
२०८० भाद्र १३ गते बुधवार
बाइडेन अमेरिकाका राष्ट्रपति निर्वाचित
२०७७ कार्तिक २३ गते आइतवार