'
६ जेठ, काठमाडौं । मोनाकोलाई २–० ले हराउँदै पेरिस सेन्ट जर्माइन (पिएसजी) ले कोपा डि फ्रान्सको उपाधि जितेको छ । बुधबार फाइनलमा पिएसजीका लागि माउरो इकार्डी कालियन एमबाप्पेले एक एक गोल गरे ।
इकार्डीले १९ औं मिनेटमा गोल गरेका थिए भने दोस्रो हाफमा एमबाप्पेले अर्को गोल थपे । यस सिजन एमबाप्पे अन्य क्लबमा जानसक्ने चर्चा पनि चलिरहेको छ । नेइमारले यसै महिनाको सुरुवातमा क्लबसँग सम्झौता लम्ब्याउने निर्णय लिएका थिए । तर एमबाप्पेले अहिलेसम्म क्लबसँग्को सम्झौता नविकरण गरेका छैनन् । रियल म्याड्रिड र म्यानचेस्टर सिटीले एमबाप्पेमाथि आँखा लगाइरहेका छन् ।
फाइनल खेलपछि प्रतिक्रिया दिदैं पिएसजीका फुलब्याक एलेस्यान्द्रो फ्लोरेन्जीले एमबाप्पे क्लबमै बस्ने आशा व्यक्त गरेका छन् । ‘हामी एमबाप्पेमा विश्वास गर्छौ । उनी विश्वका उत्कृष्ट खेलाडीमध्ये एक हुन् । हामीलाई आशा छ, उनले लामो समयसम्म खुसी राख्नेछन्,’ उनले भने ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सीमा नाकामै कोरोना विरुद्धको खोप
२०७८ भाद्र १८ गते शुक्रवार
स्याङ्जा पहिरो : एकै परिवारका नौ जनाको सामूहिक दाहसंस्कार
२०७७ असोज ९ गते शुक्रवार
मङ्गलबार अफगानिस्तानमा राष्ट्रिय शोकको घोषणा
२०७७ कार्तिक १८ गते मङ्गलवार
कालोबजारी गर्नेलाई कारवाही गर्न काठमाडौं महानगरको सिफारिस
२०७७ असोज १४ गते बुधवार