'
८ जेठ, काठमाडौं । पछिल्लो समय सेयर बजारमा प्रवेश गर्नेको सक्रियतासँगै सेयर खरिद बिक्री गर्न उत्साहित गराउने उद्देश्यले अनावश्यक विभिन्न सञ्चार माध्यम तथा सामाजिक सञ्जालमार्फत सूचना सम्प्रेषण नगर्न नियामक नेपाल धितोपत्र बोर्डले ध्यानाकर्षण गराएको छ ।
कोरोना सङ्क्रमण एकाएक बढ्न थालेपछि वैशाख १६ गतेयता गरिएको निषेधाज्ञाले प्रायः सबै क्षेत्र ठप्प छन् । यद्यपि सेयर बजार भने चलिरहेको छ । बोर्डले सेयर खरिद बिक्री गर्न उत्साहित गराउने उद्देश्यले सूचना सम्प्रेषण नगर्न तथा नगराउन, यस्ता अभिव्यक्ति पनि नदिन सरोकारवाला पक्षहरुलाई सार्वजनिक सूचना जारी गर्दै निर्देशन दिएको हो ।
विभिन्न व्यक्ति र समूहले विभिन्न सञ्चार माध्यम तथा सामाजिक सञ्जालमा नेप्से सूचक तथा सूचीकृत संस्थाको सेयर मूल्य बढ्ने वा घट्ने भन्दै निश्चित सेयरहरू खरिद गर्न वा बिक्री गर्न उत्साहित गराउने उद्देश्यले अन्तर्वार्ता र अभिव्यक्ति दिएको भन्दै त्यस्तो कार्य रोक्न बोर्डले ध्यानाकर्षण गराएको हो । यो समाचार आजको गोरखापत्र दैनिकमा छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
काठमाडौं उपत्यकामै पटके कर लगाएर नदी दोहन
२०७७ असोज ९ गते शुक्रवार
भागरथीको परिवारलाई कोरियाबाट आर्थिक सहयोग
२०७७ फाल्गुन १८ गते मङ्गलवार
रौतहटमा ज्वरो र रुघाखोकी लागेर विरामी परेका वडाध्यक्षको मृत्यु
२०७७ साउन १९ गते सोमवार
नेकपा विवादले संसद् सचिवालयलाई सकस
२०७७ फाल्गुन १८ गते मङ्गलवार