समाचार

राप्रपाको ३१ औं स्थापना दिवस मनाइयो

raprapa

१५ जेठ, काठमाडौं । राष्ट्रिय प्रजातन्त्र पार्टी (राप्रपा)ले आफ्नो ३१ औं स्थापना दिवस शनिबार मनाएको छ । कोरोना कहरका कारण स्थापना दिवस यो पटक भर्चुअल माध्यमबाट एक कार्यक्रम आयोजना गरि आज मनाइएको हो ।

कार्यक्रममा पार्टीका संस्थापक अध्यक्ष तथा पूर्वप्रधानमन्त्री लोकेन्द्रबहादुर चन्दले आफ्नो भक्तपुरस्थित लोकन्थलीस्थित निवासमा दिप प्रज्ववल गरि समुद्घाटन गरेका थिए । नेता चन्दले राप्रपालाई बलियो  राष्ट्रबादी शक्ति बनाउनको निमित्त सबैले मेहनत गर्नुपर्ने र अहिले मुलुकलाई बैकल्पिक शक्तिको आबश्यकता रहेको बिचार व्यक्त गरे ।

पार्टी अध्यक्ष पशुपतिशमशेर राणाको अध्यक्षतामा संचालित कार्यक्रममा बोल्दै राणाले कोभिड महामारी नियन्त्रणको निमित्त राज्यको सम्पुर्ण ध्यान केन्द्रित हुनुपर्नेमा जोड दिए । राजा सहितको प्रजातन्त्र र सनातन हिन्दुराष्ट्रलाई स्थापित गर्नको निमित्त जनता केन्द्रित हुँदै संगठन निर्माणमा जुट्न राणाको आग्रह थियो । अध्यक्ष थापाले पार्टी स्थापनाकालदेखी यहाँ सम्म ल्याउन महत्त्वपूर्ण योगदान दिने नेताहरुमा सम्मान प्रकट गरेका थिए भने दिबङ्गत नेताहरुप्रती श्रद्धा सुमन अर्पण गरेका थिए ।

गणतन्त्र ,धर्मनिरपेक्षता, संघीयताको बाटो बाट नभई राप्रपाले अबलम्बन गरेको मार्गचित्रबाट मात्र नेपालले स्वाभिमान कायम राख्दै समृद्धिको यात्रा तय गर्न सक्ने थापाको दाबी थियो । अर्का अध्यक्ष डाक्टर प्रकाशचन्द्र लोहनिले विगतका कमि कमजोरी, सफलता असफलताको समिक्षा गर्दै पार्टीलाई गन्तव्य तर्फ अगाडि बढाउनु पर्ने चर्चा गरे । उनले गर्दै काङ्ग्रेस कम्युनिस्टको असफलता र अकर्मण्यताले मुलुक समस्याको दलदलमा भासिएको बताए ।

कार्यक्रममा जनवर्गिय संगठनको तर्फबाट महिला संगठनकी अध्यक्ष कुन्ती शाही, प्रदेश अध्यक्षहरुको तर्फबाट प्रदेश—१ का अध्यक्ष राम थापा, जिल्ला अध्यक्षहरुको तर्फबाट सप्तरी अध्यक्ष उम्देश्वर साह र प्रवास संगठनको तर्फबाट प्रेम कुमार श्रेष्ठले मन्तव्य राखेका थिए ।

कार्यक्रममा पार्टीका वरिष्ठ नेताहरु , सचिवालय कार्य ब्यबस्था समिती, सचिवालय सदस्यहरु, जनबर्गिय संगठनका प्रमुखहरु ,जिल्ला अध्यक्षहरु लगायतको सहभागिता रहेको र स्थापना दिबसको अवसरमा शुभकामना आदान प्रदान सहित पार्टीलाई शसक्त रुपमा अघि बढाउने प्रतिबद्धता ब्यक्त गरिएको सचिवालय सदस्य राजाराम बर्तौलाले जानकारी दिए ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *