'
१५ जेठ, दाङ । सरकारले गणतन्त्र दिवसको अवसरमा दाङका १७ जना कैदीको कैद मिनाह गरेको छ । यहाँका १७ जना सहित देशभरबाट चार सय ३० कैदीको भुक्तान हुन बाँकी कैद कट्टा गरी माफी मिनाह भएको हो ।
दाङका १७ कैन्दीमा तुलसीपुर कारागार र घोराही कारागारका रहेका छन् । तुलसीपुर कारागाबारबाट दुई महिलासहित १२ कैदीबन्दी रिहा भएको जेलर युवराज परियारले जानकारी दिए । कर्तव्य ज्यान मुद्दाका आठ, सवारी ज्यान मुद्दाका दुई, ज्यानमार्ने उद्योग र कुटपिट गरी व्यक्ति बेपत्ता पारेको अभियोगका एक/एकजनाको कैद मिनाह गरिएको हो ।
यस्तै, घोराहीमा कर्तव्य ज्यान, सवारी ज्यान र चोरी मुद्दाका पाँचजनाको कैद मिनाह गरिएको जेलर विष्णुप्रसाद पाण्डेले जानकारी दिए । घोराहीमा अब अहिले ३०८ कैदीबन्दी रहेका छन् भने तुलसीपुरमा २७ महिला र ६ बालबालिकासहित ४७८ जना कैदीबन्दी रहेका छन् ।
जिल्लामा गत वर्षको तुलनामा यसवर्ष कैदीबन्दीको संख्या बढेको देखिएको छ । सरकारले विभिन्न दिवसमा ५० प्रतिशत कैद भुक्तान गरिसकेका र असल आचरण भएका कैदीबन्दीलाई बाँकी कैद मिनाह गरिदिने गरेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
लक्ष्मी बैंकले ३ नयाँ शाखा विस्तार
२०७७ मङ्सिर ४ गते बिहिवार
नेकपाका नेताको गाडी तोडफोड गरी आगजनीको प्रयास
२०७७ फाल्गुन १० गते सोमवार
कालीगण्डकी डाइभर्सन नरोकिए सङ्घर्षमा उत्रिने
२०७८ असार १४ गते सोमवार
राष्ट्रपति भण्डारीद्वारा दुई अध्यादेश जारी
२०७८ जेष्ठ ६ गते बिहिवार