'
१८ जेठ, काठमाडौं । कोभिड–१९ संक्रमणको दोस्रो लहरको महामारीका बीच हिमालय एअरलाइन्सले जनवादी गणतन्त्र चीनको स्वशासित क्षेत्र तिव्वत सरकारद्वारा नेपाललाई अनुदान सहयोग स्वरुप प्राप्त २ लाख डोज भेरोसेल खोप निःशुल्क ढुवानी गरेको छ ।
हिमालय एयरलाइन्सले जेठ १८ र १९ गते गरी तिब्बतको कुनमिङ सहरमा चारपटक उडान गरी ती खोपहरु ढुवानी गर्नेछ । हिमालयका ती उडानहरुले भेरोसेल खोपका दुई लाख डोजका जम्मा ४१७ वटा बाकसहरु निःशुल्क ढुवानी गर्नेछन् । प्रत्येकपटकको उडानमा हिमालयको एयरबस जहाजले अधिकतम १०५ वटा खोपका बाकसहरु बोक्ने जनाइएको छ ।
निःशुल्क उडानहरुमध्येका पहिलो कार्गो उडान काठमाडौंबाट सोमबार गएर मंगलबार त्रिभुवन अन्त्तर्राष्ट्रिय विमानस्थलमा अवतरण गरेको छ । ती निःशुल्क कार्गो उडान सञ्चालन गर्दा हिमालयले करिब दुई करोड २५ लाख बराबरको आर्थिक योगदान पुर्याउने कम्पनीले जनाएको छ ।
“कोभिड–१९ महामारीविरुद्घ लड्न नेपाल सरकार र राष्ट्रलाई सहयोग पुर्याउन हिमालय एयरलाइन्स तथा सम्बद्घ समूहका लागि यो एक ऐतिहासिक क्षण हो । राष्ट्रिय संकटको महत्वपूर्ण समयमा यी निःशुल्क कार्गो उडानहरु सञ्चालन गर्नु हाम्रा लागि वास्तवमै गौरवको विषय पनि हो,” हिमालय एयरलाइन्सका अध्यक्ष झो एन्योङले भने ।
यस्तै, कम्पनीका उपाध्यक्ष विजय श्रेष्ठले कोभिड–१९ संक्रमणको दोस्रो महामारीका समयमा हिमालयले राष्ट्र सेवामा पुर्याएको यो सानो तर, महत्वपूर्ण योगदान भएको बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
क्रान्तिकारी धारमा समाहित हुन माधव नेपालको आह्वान
२०७८ भाद्र १० गते बिहिवार
कराँचीमा बम विष्फोट हुँदा दशको मृत्यु, १२ जना घाइते
२०७८ पुष ३ गते शनिवार
एमाले–जसपा वार्ताः एउटा मागमा सहमति, नेताहरु भन्छन्, ‘कुरा सकारात्मक छ’
२०७७ चैत्र २० गते शुक्रवार
काठमाडौंमा उपत्यकामा २४१ संक्रमित थपिए
२०७८ असोज ३ गते आइतवार