'
२१ जेठ, काठमाडौं । कोभिड–१९ सङ्क्रमण नियन्त्रणका लागि जारी भएको काठमाडौं उपत्यकाको निषेधाज्ञाका समयमा आजदेखि खाद्य पसल खोल्न पाइने छ । उपत्यकाका तीन जिल्ला (काठमाडौं, ललितपुर र भक्तपुरका प्रमुख जिल्ला अधिकारीसहित बुधबारको बैठकले आजदेखि लागू हुने गरी केही खुकुलो पार्दै १० दिन निषेधाज्ञा लम्ब्याउने निर्णय गरेको थियो ।
जेठ ३१ गते राति १२ बजेसम्म थप गरिएको निषेधको आदेशमा किराना तथा खाद्यान्न पसल बिहान ९ बजेसम्म सञ्चालन गर्न पाइने छ । यसअघि पसल सञ्चालनमा रोक लगाइएको थियो । यस्तै विकास निर्माणको कामलाई खुला गरिएको छ । निर्माण सामग्री रातको ९ बजे देखि बिहान ४ बजे सम्ममा मात्र ढुवानी गर्न पाइने छ ।
शैक्षिक संस्था, सार्वजनिक निजी गाडी तथा भोज, सभा समारोहजस्ता धेरै मानिस जम्मा हुने स्थललाई बन्द गर्ने निर्णय यथावत राखिएको छ । घरमै वा बसेको ठाउँमा ७ जनासम्म जम्मा भइ विवाह व्रतबन्ध गर्न पाइने छ । सरकारले तोकेका मापदण्ड पालना गरी कृषिको काम गर्न छुट दिइएको छ । अत्यावश्यक बाहेक सरकारी कार्यालय, सार्वजनिक संस्थान र बीमा कार्यालयहरु बन्द रहने छन् ।
वाणिज्य बैंकहरुले प्रधान कार्यालयबाहेक काठमाण्डौंमा तीनवटा शाखा कार्यालयमात्र खोल्न पाउनेछन् । औषधि तथा खाद्यान्नजस्ता अत्यावश्यक वस्तु र सेवा खरिदमा बाहेक जेठ ३१ गतेसम्म कुनै पनि व्यक्ति घरबाट बाहिर निस्कन नपाइने पनि आदेशमा उल्लेख गरिएको छ । उपत्यकामा वैशाख १६ गतेदेखि आदेश जारी गरी अत्यावश्यकबाहेकका गतिविधिमा रोक लगाइँदै आइएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सौरहामा पर्यटकलाई ३० प्रतिशतसम्म छुट
२०७७ असोज ११ गते आइतवार
कोरोना सङ्क्रमणको अवधि लम्बिँदै
२०७७ मङ्सिर १२ गते शुक्रवार
सज्जा चौलागाईं बनिन् तेस्रो नेपाल आइडल
२०७७ भाद्र १२ गते शुक्रवार
काठमाडौं–तराई-मधेश द्रुतमार्गमा विनियोजित रकमको ९७.३५ प्रतिशत कार्य प्रगति : नेपाली सेना
२०७८ साउन १५ गते शुक्रवार