विश्व/प्रवास

भारतमा ६८ दिनपछि दैनिक संक्रमित झरे १ लाखमुनि

covid19 india

२५ जेठ, काठमाडौं । भारतमा कोरोनाभाइरसको संक्रमण दिनदिनै घट्दै गइरहेको छ । अप्रिल र मेमा कोरोनाको दोस्रो लहरले आक्रान्त भएको भारतमा पछिल्लो समय दैनिक संक्रमितसँगै मृत्युदर पनि ओह्रालो लागेको छ ।

६८ दिनपछि सोमबार भारतमा पहिलो पटक १ लाखभन्दा कम संक्रमित थपिएका हुन् । टाइम्स अफ इन्डियाका अनुसार सोमबार ८६ हजार १ सय ६१ जना कोरोना संक्रमित थपिएका छन् । यो गत अप्रिल १ यता दैनिक थपिएका संक्रमितहरूमा  सबैभन्दा कम संख्या हो ।

मे ६ मा भारतमा एकैदिन ४ लाख १४ हजार मानिसमा संक्रमण पुष्टि भएको थियो । यस्तै सोमबार दैनिक मृत्यु पनि दुई हजारभन्दा मुनि झरेको छ। सोमबार  भारतभरि १ हजार ८ सय ६७ जनाको मृत्यु भएको छ । यो अप्रिल १९पछि भारतमा कोरोनाबाट मृत्यु हुनेको संख्या दैनिक २ हजारभन्दा माथि थियो ।

कोरोनाका नयाँ संक्रमित कम हुँदै गएपछि विभिन्न राज्यहरूले जारी गरेका प्रतिबन्धहरू खुकुलो बनाउन थालेका छन् । विज्ञहरूले भने संक्रमण घटेकाले दोस्रो लहर पिकबाट ओह्रालो लागेको देखिए पनि राज्यपिच्छे फरक-फरक अवस्था भएकाले जनजीवन सामान्य बनाउनुअघि सावधानी अपनाउनु पर्ने बताएका छन् ।

भारतमा अहिलेसम्म २ करोड ९० लाखलाई कोरोना संक्रमण भएको छ भने ३ लाख ५१ हजारले ज्यान गुमाएका छन् ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *