'
२६ जेठ, चितवन । पूर्वी चितवनको कालिका नगरपालिकामा भएको मोटरसाइकल दुर्घटनामा एक जनाको मृत्यु भएको छ ।
अर्का एक जना घाइते भएका छन् । जिल्ला प्रहरी कार्यालय चितवनका अनुसार उपरदाङ्गगढीबाट शक्तिखोरतर्फ आउँदै गरेको ना ३६ प २१९९ नम्बरको मोटरसाइकल कालिका–९ सुनखानीमा आफैँ अनियन्त्रित भई दुर्घटना भएको थियो ।
मोटरसाइकल मङ्गलबार राति १०ः१० बजे सडकबाट ५० मिटर तल खसेको कार्यालयले जनाएको छ । दुर्घटनामा परी मृत्यु हुनेमा इच्छाकामना गाउँपालिका–२ बस्ने ६० वर्षीया हस्तमाया मगर रहेको कार्यालयका प्रवक्ता सूर्यबहादुर थापाले जानकारी दिए ।
मगरको घटनास्थलमै मृत्यु भएको हो । मोटरसाइकल चालक रत्ननगर नगरपालिका–११ बस्ने ३५ वर्षीय फत्तेबहादुर मगर घाइते भएका छन् । घाइते मगरको दुवै खुट्टा, हात र ढाडमा चोट लागेको छ र चितवन मेडिकल कलेजमा उपचार भइरहेको छ ।
मृतक र घाइते आमा छोरा रहेको थापाले जानकारी दिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
पोखरा प्रज्ञा प्रतिष्ठानका कुलपतिको सपथ ग्रहण
२०७७ फाल्गुन १९ गते बुधवार
कोभिड राहतमा केन्द्रित हुनुपर्ने सरकार शिलान्याश र उद्घाटनमा केन्द्रित भयो : प्रचण्ड
२०७८ बैशाख १३ गते सोमवार
पत्नी सीतालाई भारतमै छोडेर प्रचण्ड आज स्वदेश फर्कंदै
२०७७ पुष २५ गते शनिवार
अफगानिस्तानमा २४ घण्टा यता भएका हिंसामा ९० जना मारिए
२०७७ फाल्गुन २१ गते शुक्रवार