
३० जेठ, रौतहट । श्रीमतीलाई एसिड प्रहार गरेको आरोपमा श्रीमान् पक्राउ परेका छन् । ३८ वर्षीया श्रीमतीलाई एसिड प्रहार गरेको आरोपमा चन्द्रपुर नगरपालिका–४ चपुर चोक बस्ने ४२ वर्षीय दिपक विकलाई शनिबार साँझ प्रहरीले पक्राउ गरेको हो ।
उनीहरुबीच घरायसी झै–झगडा हुँदा आफ्नै श्रीमतीलाई सुन पखाल्न प्रयोग हुने एसिड प्रहार गरेको खुलेको छ । घाइते ती महिलाको चपुरस्थित एपोलो सिटी अस्पतालमा उपचार भइरहेको र अवस्था मध्यम रहेको छ ।
इलाका प्रहरी कार्यालय चन्द्रनिगाहपुरका डीएसपी लिलाराज लामिछानेले एसिड प्रहार गर्ने दिपकलाई पक्राउ गरी अनुसन्धान सुरु गरिएको बताए ।
प्रतिक्रिया दिनुहोस