'
३० जेठ, काठमाडौं । एकमुष्ट रुपमा सेयर खरिद आदेशको व्यवस्था (अल अर नन) हटाइएको छ । नेपाल धितोपत्र बोर्डले नेप्सेलाई पत्र पठाएसँगै आजैदेखि कार्यान्वयन हुनेगरी यो व्यवस्था हटाइएको नेप्सेका प्रवक्ता मुराहरि पराजुलीले जानकारी दिए ।
खरिद अर्डरमा एओएनको व्यवस्था हटेसँगै ठूलो मात्राको सेयर खरिदका लागि धेरै पटक कारोबार हुनेछ । ‘एओएन’को व्यवस्थाले चलखेल भएका कारण यो व्यवस्था हटाइनु उपयुक्त भएको बताउँछन् लगानीकर्ता पिताम्बर शर्मा खरेल । यसबाट साना लगानीकर्ता फस्ने संभावना नहुने उनले बताए ।
‘एओएन छनौट गरेर १ लाख कित्ता खरिद गर्नका लागि आदेश पोष्ट हुन्थ्यो, भने एकै पटक १ लाख कित्ता बेच्ने त हुँदैनथे, यस्तोमा साना लगानीकर्ताले मार्केट डेप्थ हेर्दा एउटै व्यक्तिले १ लाख किन्न खोजेपछि कम्पनीमा ठूला लगानीकर्ता आएको भनी झुक्किन्थे र ती साना लगानीकर्ताले झन् धेरै मूल्य तिरेर खरिद गर्थे, तर त्यस्ता ठूला अर्डर झुटो हुन्थे, एकैपटक १ लाख कित्ता बेच्ने हुँदैनन् भन्ने जानेरै झुक्याउनका लागि त्यसरी अर्डर पोष्ट हुन्थ्यो’ खरेलले भने ।
खरिदका लागि १ लाखको आदेश हाल्ने त्यसपछि मूल्य बढाउँदै लगेर आफैले साना लगानीकर्तालाई बेच्ने प्रबृत्ति रहँदै आएकोमा अब एओएन हटेसँगै मार्केट डेप्थ धेरै हदसम्म सही हुने उनले बताए । तर सेयर बिक्री आदेशतर्फ भने यो व्यवस्था यथावत छ ।
सेयर बिक्री गर्दा आफ्नो डिम्याट खातामा सेयर संख्या भए मात्रै आदेश पोष्ट गर्न मिल्ने व्यवस्था छ । त्यसकारण खरिदतर्फको एओएन व्यवस्था नहटेपनि अब धेरै हदसम्म ‘मार्केट डेप्थ’को जालझेल हट्ने खरेलले बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
दाङबाट एक किलो अवैध सुनसहित तीनजना पक्राउ
२०७७ असोज २२ गते बिहिवार
किशोरीमाथि सामूहिक बलात्कार गरेको आरोपमा कैलालीमा चार जना पक्राउ
२०७७ भाद्र १४ गते आइतवार
भर्चुअल विधिबाट सोह्र श्राद्ध गर्न नगरपालिकाको आग्रह
२०७७ भाद्र १३ गते शनिवार
कन्सुलर सेवा विभागमा लिखत प्रमाणीकरणको नयाँ व्यवस्था
२०७८ बैशाख ८ गते बुधवार