समाचार

पेट्रोल पम्पहरूले भोलिदेखि तेल नउठाउने

petrol pump

१ असार, काठमाडौं । पम्पमा काम गर्ने मजदुरलाई खोपको व्यवस्था नभए तेल खरिद नगर्ने व्यवसायीहरूले चेतावनी दिएका छन् । कोरोना महामारीमा जोखिम मोलेर काम गर्नु पर्ने भन्दै व्यवसायी र मजदुरले खोपको व्यवस्था नभए तेल खरिद नगर्ने चेतावनी दिएका हुन् ।

आयल निगमले एक पक्षीय निर्णय गरेर ट्यांकर चालकलाई मात्र खोप दिन लागेको भन्दै पम्प व्यवसायीहरूले पनि तेल खरिद नगर्ने भएको बागमती पेट्रोलियम डिलर्स एसोसियसनका अध्यक्ष अचुत खड्काले बताए । ‘निगमले ट्यांकर चालकलाई मात्रै खोप दिन लागेको छ । पम्पमा काम गर्ने मजदुरलाई पनि खोप चाहिन्छ,’ उनले भने ।

उनका अनुसार बुधबारदेखि नै पम्पहरूले तेल खरिद नगर्ने निर्णय भएको छ । खोपको व्यवस्था नभएको भन्दै ट्यांकर चालकले आइबारदेखि इन्धन ढुवानी रोकेका थिए । तीन दिनदेखि पम्पमा तेल आपूर्ति नहुँदा मौज्दात सकिँदै गएको खड्काले बताए ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *