'
४ असार, मनाङ । अविरल वर्षापछि आएको बाढी–पहिरोपीडितको उद्धार गरिएको छ । मौसममा केही सुधार आएपछि शुक्रबार (आज) मनाङका विभिन्न स्थानबाट ११८ जनाको उद्धार गरिएको छ ।
दुईवटा हेलिकोप्टरबाट यहाँका सबै क्षेत्रबाट ती पीडितहरुको उद्धार गरिएको प्रमुख जिल्ला अधिकारी विष्णुप्रसाद लामिछानेले जानकारी दिए । प्रजिअ लामिछानेका अनुसार नार्पाभूमि गाउँपालिकाको फूगाउँबाट ५६ जना, नासो गाउँपालिकाबाट ५५ र ओडारबाट १० जनाको उद्धार गरिएको छ । नासोका बाढी–पहिरोपीडितलाई मनाङको सदरमुकाम चामेमा स्थानान्तरण गरिएको उनले बताए ।
फूगाउँका १६ जनालाई दानाक्युमा व्यवस्थापन गरिएको छ भने अन्य पीडितलाई फूगाउँकै सुरक्षित स्थानमा स्थानान्तरण गरिएको उनले बताए । मनाङका विभिन्न क्षेत्रका बाढी–पहिरोपीडितलाई चामेमा व्यवस्थापन कार्य भइरहेको लामिछानेले बताए ।
मनाङका चार गाउँपालिकाका विभिन्न गाउँ वा स्थानीय पालिकाबीचको सम्पर्क र आवतजावत पूर्ण रुपमा अवरुद्ध छ । ‘‘अन्य क्षेत्रमा पनि बाढी–पहिरोमा परेका पीडितको उद्धार गर्ने कार्य भइरहेको छ । कहीँ कतै सम्पर्कमा नआएका छन् कि भनेर हेलिकोप्टरबाट खोजी कार्य भइरहेको छ,’’ प्रजिअ लामिछानेले भने ।
गृह मन्त्रालयको सहयोगमा नेपाली सेनाको एउटा हेलिकोप्टर र पूर्वसांसद पोल्देन छोपाङको व्यक्तिगत खर्चमा अर्को हेलिकोप्टर उद्धारमा खटिएको छ । केही दिनको अविरल वर्षापछि आएको बाढी–पहिरोले गर्दा मनाङमा सडक, विद्युत् र सञ्चार पूर्ण रुपमा अरुवद्ध भएको छ । यहाँका साना खोलानाला समेत वर्षासँगै बढेको भेलले सडक धेरै ठाउँमा भत्किएको छ ।
बाढी–पहिरोले गर्दा विभिन्न क्षेत्रका व्यक्तिहरुबीच सम्पर्क हुन नसकेको प्रजिअ लामिछानेले जानकारी दिए । उनका अनुसार जिल्लामा विभिन्न क्षेत्रमा खानेपानी, सडक, विद्युत् र सञ्चार हुनसकेको छैन ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
मैत्रीपूर्ण खेलमा किर्गिस्तान र आर्मी बराबरीमा
२०७७ चैत्र १५ गते आइतवार
नेपाल र ओमानका विश्वविद्यालयबीच सहकार्य गर्ने सहमति
२०७७ चैत्र १२ गते बिहिवार
सौर्य एयरलाइन्सको दुईवटै जहाज सञ्चालनमा, दुई महिनाभित्र अर्को पनि उड्ने
२०७८ साउन २० गते बुधवार
मकवानपुरको चित्लाङमा बसले ठक्कर दिँदा मोटरसाइकल चालकको मृत्यु
२०८० मङ्सिर २४ गते आइतवार