'
७ असार, काठमाडौं । जनता समाजवादीका अध्यक्ष महन्थ ठाकुरले गत असार १ गते निर्वाचन आयोगमा पेश गरेको कागजात नक्कली र किर्ते भएको दाबी गर्दै उपेन्द्र यादव पक्षसँग निकट कानुन व्यवसायीहरूले अदालतमा किर्ते र जालसाजीको मुद्दा दायर गर्ने जनाएका छन्।
जसपा निकट कानुन व्यवसायीहरूको संगठन संघीय कानुन व्यवसायी संघका अध्यक्ष दीपक राईले ठाकुर विरुद्ध आफूहरूले जिल्ला अदालत ललितपुरमा लिखतसम्बन्धी कसुरको अभियोग लगाई मुद्दा दर्ता गर्ने बताए। आयोगमा पठाइएको कागजात किर्ते देखिएको हुँदा अदालतमा मुद्दा दर्ता गर्ने तयारी गरिएको उनको भनाइ छ।
अर्को प्रयोजनको लागि गरिएको हस्ताक्षरलाई ठाकुरले दुरूपयोग यादव पक्षको भनाइ छ। कार्यकारिणी समितिको फेरबदल र पुनर्गठन गर्ने अधिकार अर्का अध्यक्ष उपेन्द्र यादवले आफूलाई सुम्पिएको भन्दै ठाकुरले गत असार १ गते यस सम्बन्धमा कार्यकारिणी समितिको बैठकको माइन्युटिङको प्रतिलिपी आयोगमा पेश गरेका थिए। उक्त माइन्युटिङ किर्ते भएको यादव पक्षको भनाइ छ। जसपाको आधिकारिकताको मुद्दा अहिले निर्वाचन आयोगमा पुगेको छ। यो समाचार आजको नागरिक दैनिकमा छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
भारतमा पहिलो पटक महिलालाई मृत्युदण्ड दिने तयारी !
२०७७ फाल्गुन ५ गते बुधवार
चितवनमा पहिरोले आठ घरमा क्षति, चारवटा सवारी बगायो
२०७७ भाद्र ३० गते मङ्गलवार
दक्षिण अल्जेरियामा सडक दुर्घटना, २० जनाको मृत्यु
२०७७ पुष १७ गते शुक्रवार
ट्राफिक प्रहरीले उठायो १९ करोड राजस्व
२०७८ साउन ७ गते बिहिवार