'
८ असार, काठमाडौं । अर्थमन्त्री विष्णुप्रसाद पौडेलले होटल तथा पर्यटन व्यवसायीहरुलाई सरकारले दिएको सेवा सुविधाको भरपुर उपभोग गर्न आग्रह गरेका छन् । मंगलबार होटल तथा पर्यटन क्षेत्रको यावत् समस्या बोकेर अर्थमन्त्री भेट्न गएका होटल संघ नेपाल (हान) को सुझाव पत्र बुझ्दै अर्थमन्त्री पौडेलले यस्तो आग्रह गरेका हुन् ।
सो अवसरमा उनले आगामी वर्षको बजेटले होटल र पर्यटन क्षेत्रका धेरै मागहरु सम्बोधन गरेको भन्दै त्यसबाट लाभान्वित हुन व्यवसायीहरुलाई आग्रह गरे । बजेटमार्फत होटल तथा पर्यटन क्षेत्रलाई उत्पादनमुलक उद्योग सरहको सुविधा उपलब्ध गराइएको उल्लेख गर्दै मन्त्री पौडेलले कोभिड–१९ का बेला योभन्दा राम्रो अर्को बजेट आउन सम्भव नभएको समेत धारणा व्यक्त गरे ।
आर्थिक वर्ष २०७८/७९ को बजेटमा होटललाई निषेधाज्ञा अवधिभर विद्युत डिमाण्ड शुल्क छुट दिने, कोभिड -१९ बाट प्रभावित होटल, ट्रेकिङ लगायतका पर्यटन व्यवसायले आर्थिक वर्ष २०७८/७९ मा तिर्नु पर्ने इजाजत तथा निवकरण दस्तुर छुट दिइ स्वतः नवीकरण हुने व्यवस्था उल्लेख गरिएको छ ।
होटल तथा पर्यटन क्षेत्रलाई उत्पादनमुलक उद्योग सरहको सुविधा उपलब्ध गराउने, कोभिड-१९ का सञ्चालनमा आउन नसकेका होटललाई आइसोलेसन सेन्टरका रुपमा सञ्चालन गरेमा सरकारले निर्धारण गरेको मापदण्डअनुसार रकम उपलब्ध गराउनेलगायत सुविधा दिइएको छ ।
उक्त अवसरमा होटल संघ नेपालका अध्यक्ष सिर्जना राणाले होटललाई सेवामुलक उद्योगमा राख्नु महत्वपूर्ण विषय भएको बताइन् । होटल संघ नेपालले २०७८/७९ को मौदि्रक नीतिमार्फत बैंक तथा वित्तीय संस्थामार्फत उपभोग गरेका कर्जाको नेपाल राष्ट्र बैंकमार्फत पुनकर्जा भए नभएको अनुगमन गर्नु पर्ने, हाल कायम रहेका पुनर्कर्जाको रकम थप गरिनु पर्ने र सो कर्जाको अवधि एक वर्षसम्म कायम गरिनु पर्ने लगायतसुझाव दिएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
एनआईसी एशिया बैंकद्वारा घातक रोगको उपचारवापत रू. १० लाखको बीमा रकम भुक्तानी
२०७७ चैत्र १६ गते सोमवार
आजदेखि शैक्षिक संस्था पूर्ववत् रूपमा सञ्चालन हुने
२०७७ चैत्र २२ गते आइतवार
आजदेखि बीपी साहित्य महोत्सव सुरु हुँदै
२०८० भाद्र २४ गते आइतवार
नेकपा फुट्न पनि सक्दैन, फुट्न पनि दिइने छैन : गोकुल बाँस्कोटा
२०७७ मङ्सिर १९ गते शुक्रवार