'
८ असार, काठमाडौं । नेकपा एमालेबाट निष्काशित वरिष्ठ नेता माधवकुमार नेपालले सरकार र पार्टीको पदको दुरुपयोग गरेर पटक पटक गलत निर्णय गर्दै जाने स्थितिले पार्टी, देश र कसैलाई गन्तव्यमा नपुर्याउने टिप्पणी गरेका छन् । मन्त्रिपरिषद् विस्तारलाई बदर गर्दै सर्वोच्च अदालतले आदेश जारी गरेपछि नेता नेपालले सो टिप्पणी गरेका हुन् ।
इतिहासमै सबैभन्दा ठूलो कम्युनिष्ट पार्टी (नेकपा) बने पनि संसद्, सरकार र पार्टी (नेकपा) साथै नेकपा (एमाले) लाई तहसनहस गरेर गलत बाटो अंगाल्दाको परिणाम सिंगो देश सहित पार्टी र जनताले भोगिरहेको उनको भनाइ छ ।
उनले सामाजिक सञ्जालमा लेखेका छन्, “संसदमा झण्डै दुई तिहाई बहुमतका साथमा बलियो सरकार बनेको थियो, जनचाहना अनुसार इतिहासमै सबैभन्दा ठूलो कम्युनिष्ट पार्टी “नेकपा” बनेको थियो । तर, संसद्, सरकार र पार्टी (नेकपा) साथै नेकपा(एमाले) लाई तहसनहस गरेर गलत बाटो अंगाल्दाको परिणाम सिंगो देश सहित पार्टी र जनताले भोग्दैछन्। सरकार र पार्टीको पदको दुरुपयोग गरेर पटक पटक गलत निर्णय गर्दै जाने स्थितिले पार्टी, देश र कसैलाई गन्तव्यमा पुर्याउँदैन र राम्रो परिणाम दिँदैन । हामीले गलत कार्यको खबरदारी गर्दै आएका थियौं र छौं । एकताबद्ध पार्टी र आन्दोलन बनाउन लागौं साथै नेपाल राष्ट्रको गरिमा ऊँचो राख्न तथा संविधान, गणतन्त्र र नेपाली जनताको हितको रक्षा गर्न सम्पूर्ण वामपन्थी, लोकतान्त्रिक र परिवर्तनकारी सकारात्मक शक्तिहरू एक हौं । मुलुकलाई भड्खालोमा पुग्नबाट समयमै जोगाऔँ !!”
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
प्रधानमन्त्रीको अभिव्यक्तिप्रति काँग्रेसको गम्भीर आपत्ति
२०७७ माघ १२ गते सोमवार
काठमाडौं उपत्यकामा एक साता निषेधाज्ञा : के-के खुल्छन्, के-केमा छ रोक ? (सूचीसहित)
२०७८ बैशाख १३ गते सोमवार
देशभर एकै दिन २०२० जनामा कोरोना संक्रमण पुष्टि
२०७७ असोज २ गते शुक्रवार
यी हुन् एमाले स्थायी कमिटी बैठकका निर्णय
२०७८ असोज ४ गते सोमवार