
९ असार, सिन्धुली । सिन्धुलीको कमलामाई नगरपालिका–६, शिखरटोलमा श्रीमानको कुटपिटबाट श्रीमतीको मृत्यु भएको छ । ४६ वर्षीया शान्ता भण्डारी खत्रीको मंगलबार साँझ मृत्यु भएको हो ।
उनकै श्रीमान् रवि खत्रीले गएको जेठ २८ गते कुटपिट गर्दा गम्भीर घाइते भएकी उनको उपचारको लागि पुरानो मेडिकल कलेज चितवन हुँदै बर्दिवास अस्पताल महोत्तरी लगेकोमा उपचारको क्रममा मृत्यु भएको हो ।
जिल्ला प्रहरी कार्यालय सिन्धुलीबाट खटिएको प्रहरीले रविलाई नियन्त्रणमा लिई थप अनुसन्धान गरिरहेको जनाइएको छ ।
प्रतिक्रिया दिनुहोस