'
११ असार, काठमाडौं । जीवन विकास लघुवित्तले आज (असार ११ गते) देखि आइपीओ निष्कासन गर्दैछ । कम्पनीले १९ करोड ७७ लाख ३० हजार रुपैयाँ बराबरको आइपीओ जारी गर्न लागेको हो ।
जीवन विकासले एक सय रुपैयाँ दरको १९ लाख ७७ हजार ३ सय कित्ता आईपीओ बिक्री गर्नेछ । यसमध्ये ०.५ प्रतिशत अर्थात् ३० हजार ४ सय २० कित्ता कर्मचारी र ५ प्रतिशत अर्थात ९८ हजार ८ सय ६५ कित्ता म्युचुअल फन्डको लागि छुट्याइएको छ । बाँकी १८ लाख ४८ हजार १५ कित्ताका लागि सर्वसाधारणले आवेदन दिन सक्नेछन् ।
आईपीओमा न्यूनतम १० कित्तादेखि अधिकतम १ हजार कित्ताका लागि आवेदन दिन सकिनेछ । यस आईपीओमा असार १५ गतेसम्म आवेदन दिन सकिन्छ । त्यस समयमा सबै बिक्री नभएमा असार २५ गतेसम्म खुला रहने कम्पनीले जनाएको छ । यसमा एनएमबी क्यापिटल बिक्री प्रबन्धकको काम गरेको छ ।
क्रेडिट रेटिङ एजेन्सी इक्रा नेपालले जीवन विकास लघुवित्तलाई ‘इक्राएनपी इस्युअर रेटिङ ट्रिपल बी माइनस’ रेटिङ प्रदान गरेको छ । जसले कम्पनी मध्यम मात्रामा सुरक्षित रहेको जनाउँछ । न्यूनतम १० कित्ताका दरले बाँडफाँट गर्ने हो भने पनि जम्मा १ लाख ८४ हजार ८ सय १ जना लगानीकर्ताले मात्र यो आईपीओ हात पार्ने देखिन्छ । कम्पनीले भने न्यूनतम १० कित्तादेखि अधिकतम १ हजार कित्तासम्म आवेदन दिन पाउने व्यवस्था गरेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
होलीमा १६०९ सवारी चालक कारबाहीमा, ४६८ वटा दुई पांग्रे सवारी होल्ड
२०७७ चैत्र १५ गते आइतवार
दक्षिण कोरियाली नायिका सोङ्ग यू जङ्गको २६ वर्षमा निधन
२०७७ माघ १३ गते मङ्गलवार
सुनको मूल्य स्थिर, चाँदी भने घट्यो
२०७८ मङ्सिर १६ गते बिहिवार
टोकियो ओलम्पिक : कल्पनाको राष्ट्रिय कीर्तिमान
२०७८ साउन ९ गते शनिवार