'
११ असार, काठमाडौं । श्रम, रोजगार तथा सामाजिक सुरक्षामन्त्री कृष्णगोपाल श्रेष्ठले सेवाग्राहीबाट कुनै गुनासो नआउनेगरी कार्य सम्पादन गर्न निर्देशन दिएका छन् । मन्त्रालयमा शुक्रबार आफ्नो कार्यभार सम्हाल्दै मन्त्री श्रेष्ठले आ–आफ्नो परिभाषित काम र जिम्मेवारीलाई कुनै पनि प्रकारका गुनासो नआउनेगरी पूरा गर्न निर्देशन दिएका हुन् । उनले कार्य सम्पादनमा ढिला नगर्न पनि निर्देशन दिए । मन्त्रालयलाई विकासमा लानको लागि अनुशासनको आवश्यकता रहेको भन्दै उनले अनुशासनको परिपालना गर्न पनि आग्रह गरे ।
उनले भने– ‘हामीले हाम्रो संस्थालाई विकासमा लानको लागि त्यहाँ अनुशासनको खाँचो हुन्छ । हरेक पदको आ–आफ्नो अनुशासनको परिभाषित ड्युटी हुन्छ । त्यो ड्युटीमा आ–आफ्नो परिभाषित काम, आ–आफ्नो जिम्मेवारीलाई कुनै खालको विलम्ब नहुनेगरी कहीँकतै, कुनै गुनासो नआउने गरेर सेवाग्राहीलाई सेवा गर्ने सेवाग्राहीसँग सम्पर्कमा रहने राष्ट्रसेवकको बढी जिम्मेवारी हुन्छ ।’
मन्त्री श्रेष्ठले कर्मचारीहरुलाई सही काम गर्नका लागि नआत्तिन र नडराउन निर्देशन पनि दिए । उनले विदेशमा रहेका श्रमिकहरुको अप्ठ्यारोमा सहजीकरण गर्नुपर्ने पनि बताए । कुनै पनि आग्रह, पूर्वाग्रह नराखिकन एउटै परिवारको रुपमा काम गर्नुपर्नेमा उनले जोड दिए । मन्त्री श्रेष्ठले आजै वन तथा वातावरण, युवा तथा खेलकुद, स्वास्थ्य तथा जनसङ्ख्या मन्त्रालयको पनि कार्यभार सम्हालेका छन् । यससँगै शिक्षा, विज्ञान तथा प्रविधि मन्त्रालयको मन्त्रीको जिम्मेवारी पनि उनीसँगै छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
म निरन्तर विकासका पक्षमा छु : मुख्यमन्त्री पौडेल
२०७७ पुष १५ गते बुधवार
नाइजेरियामा सैन्य जहाज दुर्घटनाग्रस्त, विमानमा सवार सबै मारिएको आशङ्का
२०७७ फाल्गुन ९ गते आइतवार
मस्तिष्कलाई स्वास्थ्य फुर्तिलो राख्नका लागि दैनिक ५ मिनेट ध्यान
२०७८ जेष्ठ २६ गते बुधवार
ओखलढुङ्गाका सङ्क्रमतिले जिते कोरोना, जिल्ला सङ्क्रमणमुक्त
२०७७ असार २२ गते सोमवार