मुख्य समाचार

सर्लाहीमा जेसिबीको बकेटले हानेर वडाध्यक्षको हत्या, दुई जना पक्राउ

surya kumar

१२ असार, सर्लाही । सर्लाहीको ईश्वरपुर नगरपालिका वडा नम्बर ३ स्थित भक्तिपुरका वडाध्यक्ष सूर्य कुमार श्रेष्ठको हत्या भएको छ । वडाध्यक्ष श्रेष्ठको हत्यामा संलग्न रहेको आरोपमा प्रहरीले  आरोपमा दुई जनालाई पक्राउ गरेको छ । पक्राउ पर्नेमा जेसिबी चालक रविन तामाङ भनिने हर्कबहादुर तामाङ र ठेकेदार प्रेम दाहाल छन् ।

शुक्रवार राति विवादका क्रममा जेसिबी चालक हर्कबहादुर तामाङ लगायतले कुटपिट गर्दै हत्या गरेको सर्लाहीका प्रहरी उपरीक्षक सन्तोष सिंह राठौरले जानकारी दिए । डाध्यक्ष श्रेष्ठको शुक्रबार राति हत्या भएको जिल्ला प्रहरी कार्यालय सर्लाहीले जनाएको छ ।

भक्तिपुरमै रहेको खलाल दास पोखरीको स्तरोन्नति कार्य भइरहँदा शुक्रबार वडाध्यक्ष श्रेष्ठ निरीक्षण गर्न पुगेका थिए । सो पछि राति जेसिबी चालकसँग विवाद भएकाे र चालकले जेसिबीको बकेटले हानेर उनको हत्या गरेको सर्लाही प्रहरीको भनाइ छ ।

केही दिनयता पोखरीको स्तरोन्नति तथा सौन्दर्यीकरण कार्य भइरहेको थियो । सोको निरीक्षण गर्न पुगेका वडाध्यक्षको चालकसँग विवाद भएपछि उक्त घटना हुन पुगेको बताइएको छ । शुक्रबार राति अबेरसम्म वडाध्यक्ष श्रेष्ठ, ठेकेदार प्रेमराज दाहाल र चालक रविन भन्ने हर्कबहादुर तामाङल सँगै रहेको खुलेको छ । उनीहरुले नजिकैको एक होटलमा सँगै खाजा समेत खाएको र त्यसपछिफर्किने क्रममा राति करिब १० बजे विवाद बढेपछि चालक तामाङले वडाध्यक्ष श्रेष्ठलाई हानेका थिए ।

जेसिबीको बकेटले हानेर लडाएपछि माटोले पुरिदिएको प्रहरीको भनाइ छ । घटनालगत्तै प्रहरी टोली पुगेकाे थियाे । प्रहरी पुग्दा वडाध्यक्ष श्रेष्ठ अचेत अवस्थामा  रहेकाे र तत्काल जिल्ला अस्पताल मलंगवा लगिएको जनाइएकाे छ । तर  त्यहाँ पुग्दा चिकित्सकले मृत घोषित गरेका थिए ।

घटनामा संलग्न चालक तामाङसँगै ठेकेदार दाहाललाइ प्रहरीले शनिबार बिहान नियन्त्रणमा लिएकाे छ । मृतक श्रेष्ठको पोष्टमार्टम गर्ने तयारी भइरहेको प्रहरीले जनाएको छ । हत्याकाे कारण सामान्य विवाद मात्रै हाे या अन्य राजनीतिक कारण पनि छ भन्ने यकीन भइनसकेकाे जनाइएकाे छ । प्रहरीले घटनाकाे अनुसन्धान अघि बढाएकाे छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *