
१४ असार, काठमाडौं । काठमाडौं उपत्यकामा भोलिदेखि सार्वजनिक सवारी सञ्चालनमा आउने भएका छन् । कोरोना महामारीको संक्रमण बढेसँगै बन्द रहेको सवारीहरु सञ्चालन गर्ने निष्कर्षमा उपत्यककाका प्रमुख जिल्ला अधिकारीहरु पुगेका हुन् ।
सोमबार काठमाण्डौ, ललितपुर र भक्तपुरका प्रमुख जिल्ला अधिकारीहरुको बैठकले १५ गतेबाट २५ सिटभन्दा ठूला सार्वजनिक गाडी सञ्चालनको अनुमति दिने निर्णय गरेको हो ।
गाडीहरु जोर बिजोर नम्बरका आधारमा सञ्चालन हुने ललितपुरका प्रमुख जिल्ला अधिकारी ढुण्डीप्रसाद निरौलाले जानकारी दिए । उपत्यकामा ट्याक्सी तथा निजी गाडी भने अघिल्लो हप्तादेखि नै सञ्चालनमा आइसकेका छन् ।
यस्तै उपत्यकामा लागू भएको निषेधाज्ञा एक हप्ताका लागि थपिएको छ ।
प्रतिक्रिया दिनुहोस