'
१५ असार, काठमाडौं । सभामुख अग्निप्रसाद सापकोटाले आज सम्पादकहरूसँग छलफल गरेका छन् । सभामुख सापकोटाले मंगलबार संसद भवनको ल्होत्से हलमा सम्पादकहरूसँगको छलफलका क्रममा अदालतका निर्णयको समेत उल्लंघन भइरहेको आरोप लगाएका हुन् ।
छलफलमा सभामुखले संसदको अधिकार अपहरण भएको र राष्ट्रपति कार्यालयबाट अतिक्रमण भएको बताएका छन् । यसअघि नै अदालतको फैसलाअनुसार प्रतिनिधिसभा पुनर्स्थापना भएपछि आफूले प्रधानमन्त्री केपी ओलीसँग लामो छलफल गरेको पनि उनले जानकारी दिए ।
आफूले नागरिकता विधेयकको बारेमा पनि कुरा राखेको तर प्रधानमन्त्री ओलीले ध्यानाकर्षण भएको छ भनेर जवाफ दिएको उनले सुनाए । प्रतिनिधिसभा विघटनविरुद्ध अदालतमा दायर रिटमाथि बहस चलिरहेको चर्चा गर्दै उनले अदालतलाई पनि सही निष्कर्षमा पुग्नका लागि सहज हुनेगरी छलफल गर्नुपर्नेमा जोड दिए ।
अन्तर्राष्ट्रिय शक्ति सन्तुलनमा परिवर्तन भइरहेको समयमै संसद विघटन भएको उनको भनाइ थियो । उनले लोकतन्त्रको विकल्प लोकतन्त्रमात्र हुने भन्दै लोकतन्त्रको संरक्षणका लागि संविधानको रक्षा हुनुपर्नेमा जोड दिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
पाकिस्तान पिपल्स पार्टीका नेताको गोली हानी हत्या
२०७८ असार २४ गते बिहिवार
प्रतिनिधिसभा विघटनमा संविधानको धारा नखुलाइएको जिकिर
२०७७ माघ १५ गते बिहिवार
विश्व गैँडा दिवसः दुर्लभ एकसिँगे गैँडा संरक्षणमा चुनौती
२०७७ असोज ६ गते मङ्गलवार
विशेषज्ञ चिकित्सकको लाइसेन्स परीक्षामा ७३.३ प्रतिशत उत्तीर्ण
२०७७ मङ्सिर १४ गते आइतवार