'
२० असार, काठमाडौं । अविरल वर्षापछि देशका विभिन्न स्थानमा आएको बाढी–पहिरो र डुबानमा परी गएको जेठ ३० गतेदेखि शनिबार दिउँसोसम्म ३८ जनाको मृत्यु भएको छ ।
मनसुनजन्य घटनामा परी यो अवधिमा चार बालकसहित २४ पुरुष र तीन बालिकासहित १४ महिलाले ज्यान गुमाएका हुन् । तीमध्ये सिन्धुपाल्चोकमा पाँच, डोटीमा चार, रोल्पा र गोरखामा तीन/तीनजनाको मृत्यु भएको प्रहरीले जनाएको छ ।
यस्तै, चितवन, तनहुँ, प्युठान र रौतहटमा दुई/दुई, ललितपुर, खोटाङ, सप्तरी, काभ्रे, धादिङ, सिन्धुली, जुम्ला, अर्घाखाँची, दाङ, पाल्पा, कास्की, कालीकोट, पाँचथर, बझाङ र बाजुरामा एक/एकजनाको मृत्यु भएको हो ।
यो अवधिमा बाढी–पहिरो र डुबानमा परी ५१ जना घाइते भएका छन् । तनहुँमा १०, सिन्धुपाल्चोक र रोल्पामा पाँच/पाँच, खोटाङ, सर्लाही, धादिङ, कास्की, म्याग्दी र डोटीमा तीन/तीन, जुम्ला र गोरखामा दुई/दुई, पाँचथर, रौतहट, स्याङ्जा, धनुषा, चितवन, हुम्ला, अछाम, दार्चुला र सल्यानमा एक/एकजना घाइते भएका हुन् ।
बाढी–पहिरोमा परी २४ जना बेपत्ता भएका छन् । तीमध्ये दुई बालकसहित १७ पुरुष र एक बालिकासहित सात महिला रहेका छन् । सिन्धुपाल्चोकमा २०, चितवनमा तीन र बाजुरामा एकजना बेपत्ता भएका हुन् । बेपत्ताको खोजीकार्य जारी रहेको प्रहरी प्रधान कार्यालयले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
भारतको राजस्थानमा लगातार दोस्रो दिन भूकम्प
२०७८ साउन ७ गते बिहिवार
आत्मनिर्भर बनाउन कृषकलाई अनुदानमा ३० हजार किलो आलुको बीउ
२०७७ मङ्सिर २७ गते शनिवार
६१ हजार नागरिक स्वास्थ्य बीमामा आबद्ध
२०७७ कार्तिक ३० गते आइतवार
देउवाको पक्षमा १६५ मत, विपक्षमा ८३
२०७८ साउन ३ गते आइतवार