'
२० असार, चितवन । भरतपुरमा ट्रकले दुईवटा स्कुटरलाई ठक्कर दिँदा एकजनाको मृत्यु भएको छ । यस्तै, तीनजना घाइते भएका छन् ।
नारायणगढबाट लम्जुङतर्फ जाँदै गरेको न १ ख ९७५६ नम्बरको ट्रकले विपरित तर्फबाट आइरहेका प्रदेश ३–००३ प ३५४३ र प्रदेश २–०३–००७ प ७१९६ नम्बरका स्कुटरलाई भरतपुर महानगरपालिका १ आँपटारीस्थित पानीटंकी ओरालोमा ठक्कर दिएको हो ।
दुर्घटनामा स्कुटर पछाडि बसेकी देवघाट गाउँपालिका १ तनहुँ बस्ने अन्दाजी ४० वर्षीया चिनिमाया पौडेलको मृत्यु भएको छ ।
दुर्घटनाका घाइते भरतपुर महानगरपालिका ११ का ३५ वर्षीय पुष्पराज बाँस्तोलाको कलेज अफ मेडिकल साइन्सेस (पुरानो मेडिकल कलेज) मा उपचार भइरहेको छ । उनको अवस्था गम्भीर रहेको प्रहरीले जनाएको छ ।
त्यस्तै देवघाटकै ३० वर्षीय तिलबहादुर गुरुङ र सोही स्कुटरको पछाडि सवार देवघाटकै ३५ वर्षीया सिरु गुरुङको चितवन मेडिकल कलेजमा उपचार भइरहेको छ । उनीहरुको अवस्था सामान्य छ । ट्रक र चालकलाई प्रहरीले नियन्त्रणमा लिएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
वैदेशिक रोजगारीमा तीव्र गिरावट
२०७८ साउन ५ गते मङ्गलवार
चाडबाड मुखैमा आइपुग्दासमेत खुलेन सुपथ मूल्य पसल
२०७७ असोज २७ गते मङ्गलवार
बाल सुधारगृहका २५ बालकमा कोरोना संक्रमण
२०७८ जेष्ठ २३ गते आइतवार
पोखरामा आन्तरिक पर्यटकको चहलपहल बढ्दै
२०७७ फाल्गुन १३ गते बिहिवार