'
२१ असार, काठमाडौं । सोमबार पनि सेयर बजारको परिसूचक नेप्से ओरालो लागेको छ । यस दिन ११.१६ अंकले बजार २८२३ अंकमा कायम भएको छ । परिसूचकसँगै कारोबार रकम पनि खस्किएको छ । यस दिन जम्मा ४ अर्ब ५८ करोड रुपैयाँको सेयर किनबेच भएको छ ।
समूहगत रुपमा हेर्दा ब्यापार र उत्पादन समूह यस दिन चम्किएका छन् । ब्यापार समूह १३२, उत्पादनत २३१ र अन्य समूह ८ अंकले बढेको छ । विशाल बजार र साल्ट ट्रेडिङ कम्पनीको मूल्य बढेकाले यस दिन व्यापार समूहमा उछाल आयो भने हिमालयन डिस्टिलरी र नेपाल ल्यूब आयलको मूल्य बढ्दा उत्पादन समूहमा ठूलो वृद्धि देखियो ।
बैंकिङ ७, होटल तथा पर्यटन ५९, विकास बैंक १०२, जलविद्युत ५३, फाइनान्स ५७, निर्जीवन बीमा १५६, माइक्रोफाइनान्स ३४ र जीवन बीमा १३६ अंकले घटेका छन् । यस दिन विशाल बजार कम्पनीको मूल्य सबैभन्दा धेरै १० प्रतिशतले बढेको छ । त्यस्तै हिमालयन डिस्टिलरीको मूल्य ८ प्रतिशतले बढेको छ ।
छ्याङ्दी हाइड्रोपावरको मूल्य ७ प्रतिशतले बढेर ४५७ रुपैयाँ कायम भएको छ । त्यस्तै सिइडिबी हाइड्रोपावरको मूल्य ५ प्रतिशतले बढेर ६५४ रुपैयाँ कायम भएको छ । राष्ट्रिय बीमा कम्पनी संस्थापक समूहको मूल्य ५ प्रतिशतले बढेको छ ।
यस दिन गोर्खा फाइनान्सको मूल्य सबैभन्दा धेरै ६ प्रतिशतले घटेको छ । त्यस्तै कर्णाली विकास बैंकको मूल्य ५ प्रतिशतले घटेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
पाँच महिनामा ६ हजार पर्यटक
२०७७ पुष ८ गते बुधवार
झापामा भारतबाट आएको हात्तीले धानबाली नष्ट
२०७८ साउन १७ गते आइतवार
स्रोत नखुलेको १० लाख रुपैयाँसहित एक जना पक्राउ
२०७७ माघ १८ गते आइतवार
भारतमा कोरोना भाइरस सङ्क्रमितको सङ्ख्या करिब एक करोड चार लाख
२०७७ पुष २३ गते बिहिवार