कर्णाली प्रदेश

सुर्खेतमा विद्युत् भार कटौती अन्त्य गर्न व्यवसायीले दिए २ दिने अल्टिमेटम

Bulb electric

२३ असार, सुर्खेत । सुर्खेतमा पछिल्लो समय हुँदै आएको पटके विद्युत् भार कटौती अन्त्य गर्न व्यवसायीले दुई दिने अल्टिमेटम दिएका छन् । सुर्खेत उद्योग वाणिज्य सङ्घले आज नेपाल विद्युत् प्राधिकरण कर्णाली प्रादेशिक कार्यालयमा ध्यानाकर्षण पत्र बुझाउँदै अनियमित तवरले भइरहेको विद्युत् भार कटौती अन्त्यको माग गरिएको हो ।

सङ्घका अध्यक्ष धनबहादुर रावतले बिना सूचना पटकपटक विद्युत् आउने जाने समस्याले सर्वसाधारणमात्र नभई व्यवसायीसमेत मर्कामा परेको बताए । “हामीले दुई दिनभित्र समस्या सुधार गर्न चेतावनी दिएका छौँ, अन्यथा समस्या बारम्बार दोहरिरहे आन्दोलनमा उत्रन बाध्य हुनेछौँ”, उनले भने, “प्राधिकरणले सकारात्मक जवाफ दिएको छ, समस्या समाधानमा पहलकदमी लिने आश्वासन पाएका छौँ ।”

प्राधिकरण कर्णाली प्रादेशिक कार्यालय प्रमुख सुरेन्द्र अग्रहरिले ३३ केभी कोहलपुर सुर्खेत प्रसारण लाइनको क्षमता विस्तार नहुँदा विद्युत् आपूर्तिमा कठिनाइ भइरहेको बताए । उनका अनुसार १३२ केभी प्रसारण लाइन निर्माणको तयारीमा रहेको छ । प्रादेशिक कार्यालय प्रमुख अग्रहरिले ग्राहकको बढ्दो सङ्ख्या, कम क्षमताको प्रसारण लाइनका कारण आपूर्तिमा समस्या देखिने गरेको बताए ।

यसैबीच, प्राधिकरणको सुर्खेत कार्यालयले विद्युत् महसुल सङ्कलनका लागि बिहान ८ बजेदेखि काउन्टर खुला रहने जनाएको छ । निषेधाज्ञा खुकुलो हुँदै गएपछि कार्यालयमा महसुल बुझाउने ग्राहकको थामिनसक्नु भीड लाग्ने गरेको छ । कार्यालय प्रमुख टङ्कराज गिरीले भीड व्यवस्थापनका लागि बिहान ८ बजेदेखि महसुल काउन्टर खुला राख्ने निर्णय गरेको बताए ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *