'
२४ असार, काठमाडौं । अविरल वर्षाको कारण देशका विभिन्न स्थानमा आएको बाढीपहिरो र डुबानमा परी गत जेठ ३० गतेदेखि बिहीबार दिउँसोसम्म ५१ जनाको मृत्यु भएको छ । मृत्यु हुनेहरूमा २६ जना पुरुष, १५ जना महिला, ५ जना बालक र ५ जना बालिका रहेका छन् ।
तीमध्ये सिन्धुपाल्चोकमा ५ जना, डोटीमा ४ जना, रोल्पा, तनहुँ, दाङ, पाल्पा, दार्चुला र गोरखामा ३–३ जना, चितवन, प्युठान, धादिङ, म्याग्दी र रौतहटमा २–२ जना, ललितपुर, मकवानपुर, सर्लाही, खोटाङ, सप्तरी, काभ्रे, सिन्धुली, जुम्ला,अर्घाखाँची, कास्की, कालिकोट, पाँचथर, बझाङ र बाजुरामा १–१ जना रहेका छन् । पछिल्लो २४ घण्टाभित्र मृत्यु भएकामध्ये दार्चुलामा ३ जना, पाल्पामा २ जना तथा तनहुँ र दाङमा १–१ जना गरी जम्मा ७ जना रहेका छन् । बाढीपहिरो र डुबानमा परी उक्त अवधिमा ७१ जना घाइते भएका छन् ।
तीमध्ये ३६ जना पुरुष, १९ जना महिला, ११ जना बालक र ५ जना बालिका रहेको प्रहरीले जनाएको छ । उनीहरुमध्ये तनहुँमा १० जना, पाल्पामा ७ जना, धादिङमा ६ जना, सिन्धुपाल्चोक र रोल्पामा ५–५ जना, धनुषा र सर्लाहीमा ४–४ जना, खोटाङ, कास्की, म्याग्दी र डोटीमा ३–३ जना, जुम्ला, चितवन, दाङ, दार्चुला र गोरखामा २–२ जना, पाँचथर, संखुवासभा, रौतहट, स्याङ्जा, हुम्ला, अछाम, बाजुरा र सल्यानमा १–१ जना रहेका छन् । घाइतेहरूको स्थानीय अस्पतालमा उपचार गरिएको र केहीको उपचार जारी रहेको जनाइएको छ ।
बाढीपहिरोमा परी २९ जना बेपत्ता भएको प्रहरीले जनाएको छ । तीमध्ये १९ जना पुरुष, ६ जना महिला, ३ जना बालक र १ जना बालिका रहेका छन् । उनीहरुमध्ये सिन्धुपाल्चोकमा २० जना, चितवनमा ३ जना, पर्वत र तनहुँमा २ जना तथा बाजुरा र बाग्लुङमा १ जना रहेका छन् । वेपत्ताको खोजी कार्य जारी छ । बाढीपहिरोमा परेका १ हजार २ सय ६८ जनाको विभिन्न ठाउँबाट उद्दार गरिएको प्रहरीको भनाइ छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
पाँच दशकअघि बन्देज लगाइएको खेसरी दालको उत्पादन र बिक्री किन रोकिएन ?
२०७७ चैत्र २१ गते शनिवार
नेकपालाई फुट्नबाट रोक्ने दुई दफा
२०७७ माघ १६ गते शुक्रवार
सहकारीहरूलाई पुस मसान्तभित्र साधारणसभा गरिसक्न महानगरपालिकाको निर्देशन
२०७७ कार्तिक २३ गते आइतवार
झापामा हावाहुरीबाट दुई करोड बराबरको क्षति
२०७८ बैशाख १० गते शुक्रवार