'
२५ असार, चितवन । जिल्लामा दुई फरक फरक घटनामा दुई जनाको मृत्यु भएको छ । खोलामा पौडीखेल्ने क्रममा डुबेर एक जना र कारले स्कुटरलाई ठक्कर दिँदा एकको मृत्यु भएको हो ।
जिल्ला प्रहरी कार्यालय चितवनका अनुसार आज राप्ती नगरपालिका–३ झुरझुरेस्थित पूर्वपश्चिम राजमार्गमा भण्डाराबाट हेटौँडातर्फ जाँदै गरेको बा १९ च ७९८६ नम्बरको कारले विपरीत दिशाबाट आउँदै गरेका दुई वटा स्कुटरलाई ठक्कर दिएको थियो । उक्त दुर्घटनामा परी प्रदेश ३–००२ प ६४८३ नम्बरको स्कुटरमा पछाडि सवार खैरहनी नगरपालिका–१२ का पाँच वर्षीय आरुष अधिकारीको उपचारको क्रममा मृत्यु भएको हो ।
दुर्घटनामा परी सोही स्कुटरका चालकका बुबा ३५ वर्षीय राजकुमार अधिकारी, प्रदेश नं. ३–००३ प ६८८८ नम्बरको स्कुटर चालक रत्ननगर नगरपालिका वडा नं १५ का १८ वर्षीय निशान भट्टराई र सोही स्कुटरमा सवार वर्ष २० का सन्तोष पोखरेल घाइते हुनुभएको छ । उनीहरुको कलेज अफ मेडिकल साइन्सेस शिक्षण अस्पताल भरतपुरमा उपचार भइरहेको छ । घाइतेको अवस्था खतरामुक्त रहेको प्रहरीले जनाएको छ ।
यसैगरी माडीको रिउ खोलामा पौडी खेल्ने क्रममा डुबेर अर्का एक युवाको मृत्यु भएको छ । मृत्यु हुनेमा हुम्लाको खर्कुनाथ गाउँपालिका घर भएका २१ वर्षीय हिकमत शाही रहेको इलाका प्रहरी कार्यालय माडीले जनाएको छ ।
कार्यालयका अनुसार माडी नगरपालिका–६ मा रहेको दिवाकर स्मृति प्राविधिक विद्यालयमा अध्ययनरत उनी आज रिउ खोलामा डुबेर बेपत्ता भएका थिए । बेपत्ता भएका शाहीको शव माडी नगरपालिका–३ स्थित रिउ खोलामा भेटिएको हो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
काठमाडौं उपत्यकामा एकैदिन थपिए ३ हजार बढी संक्रमित
२०७८ बैशाख २४ गते शुक्रवार
युरोपमा १२–१७ वर्ष उमेर समूहलाई मोडर्नाको खोप लगाउन अनुमति
२०७८ साउन ९ गते शनिवार
मनाङमा धमाधम बन्न थाले अस्थायी कोभिड अस्पताल
२०७८ जेष्ठ ८ गते शनिवार
भोलि बस्ने भनिएको कांग्रेस बैठक स्थगित
२०७७ असोज २४ गते शनिवार