'
७ साउन, चितवन । चितवनमा जारी निषेधाज्ञा पुनः एक साताको लागि थप गरिएको छ । आज जिल्ला प्रशासन कार्यालय चितवनले आदेश जारी गरी लामो तथा छोटो दूरीका अत्यावश्यक सवारीसाधन र अत्यावश्यक परीक्षालाई केही खुकुलो गरी यही साउन १४ गते राति १२ बजेसम्म निषेधाज्ञा थपिएको जानकारी दिएको छ ।
जिल्लामा कोरोनाका सक्रिय संक्रमित कम नभएको र जोखिम कायम रहेकोले निषेधाज्ञा थपिएको कार्यालयले जनाएको छ । यसअघि जारी निषेधाज्ञा आज राति १२ बजे सकिँदै छ । थपिएको निषेधाज्ञामा अघिल्ला निषेधाज्ञाभन्दा केही खुकुलो गरिएको कार्यालयका सूचना अधिकारी खेमराज पौडेलले जानकारी दिए । अत्यावश्यक यातायात र परीक्षाका तालिकाबाहेक अरु अघिल्ला नियमलाई निरन्तरता दिइएको छ ।
“अत्यावश्यक लामो तथा छोटो दूरीका यातायात र केही लोकसेवा, चिकित्साशास्त्रलगायतका टीयूका परीक्षालाई यसपटक खुकुलो बनाइएको हो,” उनले भने । उनका अनुसार यसअघि जिल्लामा जोर–बिजोरको आधारमा निजी तथा भाडाका सवारी सञ्चालनमा आए पनि भोलिदेखि सम्बन्धित जिल्ला प्रशासनको समन्वयमा अत्यावश्यक छोटो तथा लामो दूरीका सवारीसाधनलाई अन्तरजिल्ला प्रवेश गर्न दिइनेछ ।
यस्तै, स्वास्थ्य सुरक्षा मापदण्ड पालना गरी तोकिएका परीक्षा सञ्चालन गर्न पाइने पौडेलले जानकारी दिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
धेरै शान्ति सैनिक पठाउने मुलुकको सूचीमा नेपाल तेस्रो
२०७८ असार १५ गते मङ्गलवार
रुपन्देहीमा टिपरको ठक्करबाट मोटरसाइकल चालकको मृत्यु
२०७७ माघ २१ गते बुधवार
नागढुङ्गा सुरुङमार्ग निर्माण ९ प्रतिशत सकियो, २४ सै घण्टा यसरी हुन्छ काम !
२०७७ फाल्गुन २७ गते बिहिवार
पूर्वसभासद चौधरीको निधनमा अध्यक्ष दाहालद्वारा दुःख व्यक्त
२०७७ कार्तिक ११ गते मङ्गलवार