समाचार

‘वर्किङ भिसा’मा अमेरिका पठाउने भन्दै ७४ लाख ठगी, तीनजना पक्राउ

pakrau

८ साउन, काठमाडौं । ‘वर्किङ भिसा’मा अमेरिका पठाउने भन्दै ७४ लाख ठगी गरेको आरोपमा तीनजना पक्राउ परेका छन् । केन्द्रीय अनुसन्धान व्युरो (सीआईबी)को टोलीले कास्की, पोखरा महानगरपालिकाको विभिन्न स्थानबाट उनीहरुलाई पक्राउ गरेको हो ।

पक्राउ पर्नेहरुमा विकास भनेर चिनिने २४ वर्षीय बिनोद भुसाल, ३१ वर्षीय पुकार गुरुङ र ३० वर्षीय प्रकाश गुरुङ छन् । विनोद भुसालले दुई वर्षदेखि पुकार गुरूङ, प्रकाश गुरूङलगायत व्यक्तिको खातामा पटक–पटक गरी ७४ लाख नौ हजार पाच सय रकम जम्मा  गरेको पाइएको छ । पीडितले व्युरोमा जाहेरी दिएपछि उनीहरुलाई पक्राउ गरिएको हो ।

प्रहरी अनुसन्धानबाट बिनोद भुसालले संयुक्त राज्य अमेरिकामा थुनामा रहेको व्यक्तिलाई छुटाई दिन्छु भनी २५ लाख रुपैयाँ ठगी गरेको कसुरमा जिल्ला प्रहरी कार्यालय दाङले ठगी मुद्दामा कारवाही गरेको पाइएको छ ।

पीडितलाई अमेरिकामा रहेकी भनिएकी दिव्या राणाले कृषी फर्ममा वर्किङ भिसा दिलाउँछु भनेर प्रलोभन देखाइ काठमाण्डौंमा रहेका बिनोद भुसालसँग सम्पर्क गरी भनेको र विनोद भुषालले विभिन्न व्यक्तिहरुको खातामा रकम समेत जम्मा गर्न लगाइ ठगी गरेको महतोको भनाइ छ । उनीहरुले अमेरिकन एम्बेसी, काठमाडौँको नक्कली कागजातहरु बनाई पीडितहरुलाई झुक्याई ठगी गरेको प्रहरीको भनाइ छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *