विश्व/प्रवास

राष्ट्रप्रमुख बनेयता पहिलोपटक तिब्बत पुगे सी जिनपिङ

xi jinping

९ साउन, चीन । चीनका राष्ट्रपति सी जिनपिङले राष्ट्रप्रमुखको हैसियतमा पहिलोपटक तिब्बत स्वायत्त क्षेत्रको भ्रमण गरेका छन् । तीन दशकयता, चीनका शीर्ष नेताले तिब्बतको भ्रमण गरेको यो पहिलोपटक हो । यसअघि सन् २०११ मा तिब्बत भ्रमणमा जाँदा सी कम्युनिष्ट पार्टीको उपाध्यक्ष थिए ।

भारतसँग विवाद बढिरहेको र अफगानिस्तानबाट अमेरिकी नेतृत्वको सेना फर्किएको अवस्थामा उनले रणनीतिक रुपमा महत्वपूर्ण मानिने तिब्बतको भ्रमण गरेका हुन् । तिब्बतमा चिनियाँ कम्युनिष्ट पार्टीको नियमले जनसमर्थन पाएको सन्देश र आत्मविश्वास पनि सीको भ्रमणले दिएको विश्लेषकहरुले बताएका छन् ।

बुधबार विमानमार्फत नाईङची शहर पुगेका सी, त्यसपछि रेलमार्फत शुक्रबार तिब्बतको राजधानी ल्हासा पुगेका हुन् । ल्हासामा सीले गुम्बाहरू तथा पोताला दरबारको भ्रमण गरेका छन् । उनले तिब्बतको धार्मिक अवस्था नियाल्दै तिब्बती संस्कृतिको जर्गेना गर्ने विषयमा जोड दिएको सिन्हाको समाचारमा जनाइएको छ ।

‘जबसम्म हामीले कम्युनिष्ट पार्टीलाई अनुशरण गर्नेछौं र समाजवादको बाटोमा हिंड्नेछौं । हाम्रा लागि आफ्नो देशलाई रुपान्तरण गर्न सहज हुनेछ’ पोताला दरबार बाहिर आयोजित जनसभालाई सम्बोधन गर्दै सीले भने । परम्परागत पोसाकमा रहेका तिब्बतीहरुले ल्हासामा सीलाई भव्य स्वागत गरेका थिए । ल्हासामा सीले सांस्कृतिक कार्यक्रमहरु पनि अवलोकन गरे ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *