'
१० साउन, काठमाडौं । नेपाल क्रिकेट संघ (क्यान) र डिस मिडिया नेटवर्क लिमिटेडबीच घरेलु क्रिकेट प्रतियोगिता उत्पादन तथा प्रसारण गर्ने सम्झौता भएको छ । २०७८ साउन ८ गते डिश मिडिया नेटवर्क र क्यान बीच उक्त सम्झौता भएको हो ।
उक्त सम्झौतामा डिश मिडिया नेटवर्कका प्रबन्ध निर्देशक सुदीप आचार्य र क्यानका कोषाध्यक्ष रोशनकुमार सिंहले हस्ताक्षर गरेका छन् । सोही सम्झौताअन्तर्गत नेपाल क्रिकेट संघ ले आयोजना गरेको पीएम कप तथा मेयरर्स कपका महिला/पुरुष गरी चार प्रतियोगिता डिशहोमको एक्सन स्पोर्ट्स च्यानलले प्रत्यक्ष प्रसारण गरिसकेको छ ।
आगामी दिनमा नेपाल क्रिकेट संघ (क्यान)द्वारा आयोजना हुने सम्पूर्ण प्रतियोगिताहरु डिशहोमको एक्सन स्पोर्ट्समा प्रत्यक्ष प्रसारण हुनेछन् । क्यानका कोषाध्यक्ष रोशनकुमार सिंहले यस सम्झौतापछि क्रिकेटप्रेमी नेपाली दर्शकहरुले सजिलै नेपाली क्रिकेट प्रत्यक्ष हेर्न सक्ने र यसले क्रिकेटको लोकप्रियतालाई थप उचाइमा पुर्याउने बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सुनसरीमा २ सय ५० केजी गाँजासहित २ जना पक्राउ
२०७७ माघ २१ गते बुधवार
‘एचएमपीभी रुघाखोकी गराउने भाइरस हो, हल्लाको पछाडि नलाग्नुस्’
२०८१ पुष २५ गते बिहिवार
फिफा पूर्व रेफ्री खत्रीको निधन
२०७८ असोज १८ गते सोमवार
मानवीय दोहनका कारण सङ्कटमा पर्दै कालीगण्डकी नदी
२०७७ फाल्गुन २९ गते शनिवार