'
१२ साउन, काठमाडौं । मंगलबार सेयर बजारको परिसूचक नेप्सेले नयाँ रेकर्ड बनाएको छ । यस दिन परिसूचक ३ हजार ७९ अंकमा पुगेको छ, जुन अंक अहिलेसम्मकै उच्च हो ।
यसअघि आइतबार मात्रै परिसूचकले ३ हजार ५८ अंकको रेकर्ड बनाएको थियो । सोमबार ८ अंकले घटेको बजार आज फेरि २९.२ अंकले बढेको हो । परिसूचकसँगै कारोबार रकम पनि बढेको छ । यस दिन १५ अर्ब १७ करोड रुपैयाँको सेयर किनबेच भएको छ ।
यस दिन कमाउनेमा जलविद्युतका लगानीकर्ता अगाडि रहे भने गुमाउनेमा लघुवित्तका लगानीकर्ता अघि रहेका छन् । हिजो मात्रै राष्ट्र बैंकले लघुवित्त कम्पनीहरुलाई २० प्रतिशतभन्दा बढी लाभांश घोषणा गरेमा सोको ५० प्रतिशत रकम जगेडा कोषमा राख्नुपर्ने व्यवस्था गरेको थियो । सोही व्यवस्थाका कारण आज लघुवित्त कम्पनीको मूल्य उच्च दरले घटेको हो ।
समूहगत रुपमा हेर्दा बैंकिङ ३, ब्यापार २, होटल तथा पर्यटन १८ र माइक्रोफाइनान्स समूह ११६ अंकले घटेका छन् । विकास बैंक ३५, जलविद्युत ११९, फाइनान्स ७१, निर्जीवन बीमा १२०, उत्पादन ३०५, जीवन बीमा २६० र अन्य समूह ६० अंकले बढेका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
राजनीति ‘क्लाईमेक्स’मा पुगेको छ : प्रचण्ड
२०७८ बैशाख ४ गते शनिवार
कैलालीमा सशस्त्र प्रहरी जवान कार्यालय परिसरभित्र मृत फेला
२०७८ साउन २० गते बुधवार
थप २७३६ जनामा कोरोना संक्रमण
२०७७ कार्तिक २५ गते मङ्गलवार
नयाँ दिल्लीमा एक साताका लागि लकडाउन घोषणा
२०७८ बैशाख ६ गते सोमवार