'
१५ साउन, काठमाडौं । नेपालमा अझै पनि सुरुङमार्गलाई नौलो विकास ठानिन्छ । तर, तपाईं–हामी धेरैलाई थाहा छैन, करिब १०४ वर्ष पहिल्यै हाम्रो देशमा सुरुङमार्ग थियो । सरकारी निकायले नै यसलाई एसियाकै पहिलो सुरुङमार्ग भनेर दाबी गर्दै आएका छन्। जुन २०२० सालपछि प्रयोगमा आउन छाडेको थियो । यसलाई २०७२ सालको भूकम्पले थप जीर्ण बनाएको थियो ।
यसको लम्बाइ सुरुमा ५ सय मिटर थियो । एकातर्फका भाग पहिरोले पुरिएपछि १ सय ९८ मिटर बाँकी रहेको जनाइएको छ । चौडाइ २.५ मिटर र उचाइ तीन मिटर छ । पाँचौं राणा प्रधानमन्त्री चन्द्रशमशेरका पालामा सन् १९१७ मा बाराको अमलेखगन्जबाट मकवानपुरको हेटौंडा छिचोल्न यो सुुरुङमार्ग निर्माण गरिएको थियो। त्यस समय भारतबाट अमलेखगन्जसम्म रेल आउँथ्यो ।
अब भने बागमती प्रदेश सरकारको यातायात पूर्वाधार निर्देशनालयले मकवानपुर र बाराको सिमानामा रहेको चुरियामाईस्थित सुरुङमार्गको पुनर्निर्माण थालेको छ । मुख्यमन्त्री डोरमणि पौडेलले बिहीबार पुनर्निर्माण कार्यको शिलान्यास गरेका छन् । ‘यो इतिहास नयाँ पुस्तालाई हस्तान्तरणसँगै पर्यटन प्रवर्द्धनका लागि महत्वपूर्ण हुने हामीले अपेक्षा लिएका छौं’, मुख्यमन्त्री पौडेलले भने ।
यो समाचार आजको अन्नपूर्ण पोस्ट् दैनिकमा छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
निर्देशक चेतन कार्कीको निधन
२०७८ जेष्ठ २ गते आइतवार
नबिल बैंकको ब्यक्तिगत मुद्दती खातामा ७.५१ प्रतिशत ब्याजदर
२०७७ चैत्र ५ गते बिहिवार
महेश बस्नेतलाई गाली गरेको भन्दै पक्राउ परेका पूर्वअसई चन्दलाई छाड्न काँग्रेसको माग
२०७७ पुष १६ गते बिहिवार
अस्पताल भवन शिलान्यास गर्ने व्यवस्था मिलाउन स्थानीय तहलाई निर्देशन
२०७७ कार्तिक २८ गते शुक्रवार