'
१६ साउन, काठमाडौं । विश्वव्यापी रुपमा फैलिएको कारोना भाइरस (कोभिड-१९)का कारण गत तीन सातामा विदेशमा थप ३९ जना नेपालीको मृत्यु भएको छ । गैरआवासीय नेपाली संघ (एनआरएनए)का अनुसार मलेसियामा ३७ जना इराक र युगान्डामा १–१ जना नेपालीको कोरोना संक्रमणका कारण मृत्यु भएको हो ।
संघले संकलन गरेको तथ्यांक अनुसार हालसम्म भारतसहित विश्वभर २९ मुलुकमा रहेका ४ सय ८६ जना नेपालीको कोभिड–१९ का कारण निधन भएको छ । इराकमा पहिलो पटक कोरोनाका कारण नेपालीको ज्यान गएको हो ।
गैरआवासीय नेपाली संघ अन्तर्गतको स्वास्थ्य समितिका अनुसार हालसम्म विदेशमा ५४ देशमा १ लाख २७ हजार ९ सय ३४ जना नेपालीमा कोरोना संक्रमण देखिएको छ । जसमध्ये १ लाख १७ हजार ५ सय २९ जना नेपाली कोरोनामुक्त भएका छन् ।
समितिका संयोजक डा.संजिव सापकोटाका अनुसार हालसम्म विदेशमा कोरोना संक्रमणबाट ९१ दशमलव ८६ प्रतिशत नेपाली संक्रमणमुक्त भएका छन् । सापकोटाका अनुसार विगत दुई सातामा मलेसिया र भारतमा रहेका नेपालीमा भने थप कोरोना संक्रमण देखिएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कोरोना नियन्त्रणमा प्रभावकारी कदम चाल्न कांग्रेसको सरकारसँग माग
२०७८ बैशाख २३ गते बिहिवार
रौतहटमा कटुवा पेस्तोलसहित एक युवक पक्राउ
२०७७ पुष १ गते बुधवार
नेकपा विवादः दुवै पक्षको जवाफ पर्खिंदै आयोग
२०७७ पुष २१ गते मङ्गलवार
काठमाडौं उपत्यकामा ५४९ संक्रमित थपिए
२०७८ भाद्र १२ गते शनिवार