'
२८ साउन, इनरुवा । सुनसरीको कोसी गाउँपालिका–४ मा आज जंगली हात्तीको आक्रमणबाट एकजनाको मृत्यु भएको छ । मृत्यु हुनेमा स्थानीयवासी ५५ वर्षीय रामेखङ खत्वे रहेको प्रहरी नायब उपरीक्षक नरेन्द्रकुमार कार्कीले जानकारी दिए ।
बिहान शौच गर्न गएको बेलामा कोसी टप्पु वन्यजन्तु आरक्षबाट निस्केको हात्तीले आक्रमण गरेको थियो । आक्रमणबाट खत्वेको घटनास्थलमै मृत्यु भएकाले शव परीक्षणका लागि जिल्ला अस्पताल ल्याइएको छ ।
पछिल्लो समय आरक्षबाट राति तथा दिउँसो निस्कने हात्तीले दैनिक आतंक मच्चाउँदै आएको छ । हात्तीले स्थानीयवासीका बालीनाली नष्ट गर्नाका साथै घरटहरासमेत नष्ट गरेको कोसी गाउँपालिकाका अध्यक्ष अयुव अन्सारीले बताए ।
आरक्ष आसपास क्षेत्रमा हात्ती आतंक नियन्त्रणका लागि पटक–पटक स्थानीयवासीले माग गर्नाका साथै आन्दोलनका कार्यक्रम गरे पनि अहिलेसम्म सम्बन्धित निकायले चासो नदिएको जंगली जनावरपीडित संघर्ष समितिका अध्यक्ष पञ्चनारायण मण्डलले बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
लोकतन्त्रमा चुनावबाट भाग्न मिल्दैन : महतो
२०७७ माघ ९ गते शुक्रवार
इन्द्रजात्रामा सुनसान बसन्तपुर (फोटो फिचर)
२०७७ भाद्र १६ गते मङ्गलवार
जेठ महिनामै विद्यार्थीको हातमा नयाँ पाठ्यपुस्तक
२०७७ फाल्गुन २९ गते शनिवार
मात्रै एक शब्दको प्रयोगले सुमधुर बनाउँछ सम्बन्ध
२०७७ माघ २८ गते बुधवार